कोरियामा फेरी अर्को नेपालीको मृत्यु
फोनिज कोरिया सम्वाददाता
बैदेसिक रोजगारीका लागि कोरिया आएका एक नेपालीको मृत्यु भएको छ । तीन महिना अघि इपिएसबाट कोरिया आएका तेह्थुमका चौतिस वर्षिय दुधराम लिम्बुको गएराती सुतेकै ठाउँमा मृत्यु भएको हो ।
क्यङगिदोको किम्फो ओल्गोतस्थित फोह्यन मेटल कम्पनीमा काम गर्दै आएका लिम्बू हिजो बेलुकी राम्रोसँगै खानपीन गरेर सकुशल सुतेका थिए । बिहान तीन बजेतिर अनौठो तरिकाले शरीर चलाएपछि सँगै कोठामा सँगै सुतेका साथीले उठाउन खोज्दा नउठेपछि अर्को कोठामा बस्ने विदेशी कामदारलाई बोलाएर एम्बुलेन्स झिकाएका थिए ।
मृतक लिम्बूको शव अहिले किम्फोको थोन्जीन अस्पतालमा राखिएको छ । ह्दयघातका कारण मृत्यु भएको हुन सक्ने अस्पतालले जनाएको छ । धुम्रपान र मध्यपानबाट टाढा रहेका मृतक लिम्बुको नेपालमा श्रीमती र दश बर्षिय छोरा समेत रहेको बुझिएको छ ।
