कोरियामा नेपाल सम्बत तथा म्ह: पुजा
सौल-नेवा: पुच दक्षिण कोरियाद्वारा आयोजित नेपाल सम्बत ११३७ (न्हुस्दया भिन्तुना) तथा सामुहिक म्हस् पुजा कार्यक्रम सम्पन्न भएको छ।आईतबार सौलस्थित नेपाल हाउसमा भएको नेपालको मौलिक सम्बत नेपाल सम्बत नयाँ बर्ष शुभकामना आदानप्रदान प्रदान कार्यक्रममा कोरियामा रहेका नेवार समुदाय तथा नेपाली समुदायको संघ संस्थाको उल्लेखनिय उपस्थिती रहेको थियो ।
नेवारी संस्कृति,परम्परा, पहिरन, गितसंगीत, बाजागाजा, नृत्य र मिष्ठान्न भोजन सहित उल्लासमय रुपमा शुभकामना आदानप्रदान गरिएको थियो ।कोरियास्थित नेपाली दुताबासका कार्यबाहक राजदुत किरण शाक्यको प्रमुख आतिथ्यमा सम्पन्न कार्यक्रममा विशेष अतिथिहरुमा एन आर एन आइ सि सि सदस्य द्वय बिनोद कुँवर, केपि सिटौंला , एन आर एन कोरिया अध्यक्ष राजु क्षेत्री , आदिबासी जनजाती महासंघ कोरिया शाखा अध्यक्ष चित्र बहादुर मोक्तान, वमेन फर वमेन अध्यक्ष मल्लिका श्रेष्ठ थकाली लगायतको उपस्थिती रहेको थियो ।
प्रमुख अतिथि कार्यबाहक राजदुत शाक्यले धेरै समय पहिलादेखि मान्दै आएको मौलिक नेपाल सम्बतको सम्पुर्ण नेपालीहरुमा शुभकामना ब्यक्त गर्नुका साथै यसको महत्व र प्रचलनको बारेमा प्रष्ट पार्नु भएको थियो।नेपाल सम्बतको ईतिहास र प्रचलन बारेमा डा। ओम सुवालले बृस्तृत रुपमा प्रोजेक्टर मार्फत आफुले संकलन जानकारि गराउनु भयो।
नेवा पुच दक्षिण कोरियाका अध्यक्ष कृष्ण मुस्यानको सभपतित्वमा सम्पन्न यस कार्यक्रममा स्वागत मन्तब्य तथा धन्यवाद संस्थाका संरक्षक तथा कार्यक्रम संयोजक रमेश श्रेष्ठले दिनुभएको थियो भने संस्थाका उपाध्यक्ष राज देसारले कार्यक्रम संचालन गर्नु भएको थियो ।
यसै संस्थाद्वारा सनिबार साँझ दोङ्देमुन सौल स्थित कुमारी भान्छा घरमा सामुहिक म्ह: पुजा कार्यक्रम पनि सप्पन्न गरिएको थियो।
