ह्योल्मो सम्पर्क समिति दक्षिण कोरियाद्वारा छोकबुल,मणि जप र पिकनिक कार्यक्रम सम्पन्न

ह्योल्मो सम्पर्क समिति दक्षिण कोरियाद्वारा यस वर्षको छूसकको लामो विदालाई सदुपयोग गर्दै छोगबुल म्हणी तथा संस्थाको अाफ्नो बार्षिक नियमित पिकनिक कार्यक्रम सफलता पुर्बक आयोजना गरेको छ । कोरियामा रहनु भएका ह्योल्मो दाजु भाई तथा दीदी बहिनीहरु एकजुट भई सुख दुःखमा साथ दिन,धार्मिक तथा सामाजिक कार्यमा साथ सहयोग गर्न स्थापित संस्था हो जसले बिदेशी भूमिमा रहेर पनि सामाजिक तथा धार्मिक क्षेत्रमा आफ़्नो संस्था मार्फत सक्दो साथ सहयोग तथा सहभागिता जनाउँदै आइरहेको छ ।

त्यसै अनुरूप हिन्दुहरुको महान चाड दसैँको बेला हुने प्राणी हत्यामा प्राण गुमाएका सम्पूर्ण प्राणी जगतको आत्माको चिर शान्ति तथा कल्याणको कामना गर्दै oct 4 तारीख बुधबारको दिन पूर्णिमाको पुनित अवसरमा दक्षिण कोरिया (जिहेंग) स्थित नागार्जुन गुम्बामा ह्योल्मो सम्पर्क समिति दक्षिण कोरिया द्वारा छोगबुल तथा म्हणी जप कार्यक्रम आयोजना गरेको थियो । सो अवसरमा कोरियामा रहनु भएका ह्योल्मो दाजु भाई तथा दिदी बहिनी लगायत सम्पुर्ण बौद्ध धर्मावलम्वीहरुको उपस्थिति रहेको थियो ।

त्यसै गरि oct ५/६ तरीखको दिन कोरियामा रहनु भएका ह्योल्मो दाजुभाई तथा दिदी बाहिनी द्वारा कोरियन छूसकको अवसर पारेर सामूहिक रुपमा मनाउदै आएको पिकनिक कार्यक्रम यो वर्ष पनि गफ्योंग क्षेत्रको “कुम्हे ग्रीन फेन्शन” मा बिभिन्न खेल, सांस्कृतिक कार्यक्रम लगायत (Nami island) को रमणीय दृश्यको अवलोकन गरि भब्यताका साथ सफल पारेको छ । उक्त पिकनिक कार्यक्रममा बिभिन्न नाच गानको साथ रात्रि अबेर सम्म रमाइलो गरिएको थियो साथै अर्को दिन संस्थाको बार्षिक प्रगति प्रतिवेदन र आर्थिक प्रतिवेदन पेश गरियो सो पश्चात दिउँसोको खाना खाएर अंतमा गुम्बाको दर्शन गरि पिकनिक सम्पन्न कार्यक्रम गरियो ।