तामाङ घेदुङ जेजुदो शाखाको दोश्रो अधिवेशन अप्रिल १ मा हुने, तयारी पुरा
नेपाल तामाङ घेदुङ दक्षिण कोरिया जेजुदो शाखाको दोश्रो अधिवेशन आगामी अप्रिल १ तारिख शनिबार हुने भएको छ । अधिवेशन कोरियाको जेजुस्थित केसीटियुको सभाहलमा बेलुकी साँढे सात बजे हुने जानकारी घेदुङ जेजुदो शाखाकी कार्यवाहक अध्यक्ष सुनिता ब्लोनले फोनिज कोरियालाई दिएका हुन् ।
नेपाल तामाङ घेदुङ दक्षिण कोरिया केन्द्रको अधिवेशन पनि आगामी मे २१ मा हुँदै छ । शाखाको अधिवेशन केन्द्रको भन्दा अगाडी नै गर्नुपर्ने भएकोले यही मे १ मा गर्न लागेको जनाएको छ ।
अधिवेशनको सम्पुर्ण तयारी पुरा भइसकेको अध्यक्ष ब्लोनले जानकारी दिइन् । “जेजुदोमा रहनुभएका सम्पुर्ण तामाङ दाजुभाइ तथा दिदीबहिनीहरुलाई उपस्थितिको लागि हार्दिक अनुरोध गर्न चाहान्छु ।” उनले भनिन् ।
साथै जेजुदो शाखाको स्थापनाको लागि र त्यसपछि पनि निरन्तर सहयोग र हौसला प्रदान गर्दै आएकोमा कार्यवाहक अध्यक्ष ब्लोनले घेदुङ कोरिया केन्द्र र ख्याङसाङ बुसान् शाखाको वर्तमान अध्यक्ष र उपाध्यक्षहरु लगायत सबैलाई धन्यवाद दिएकी छिन् । “उहाँहरुबाट आगामी दिनहरुमा पनि यस्तै साथ र सहयोग पाइराख्ने अपेक्षा गरेकी छु ।” उनले थपिन् ।
नेपाल तामाङ घेदुङ दक्षिण कोरिया जेजुदो शाखाको स्थापना “तामाङ भाषा, धर्म, संस्कार र संस्कृतिको संरक्षण गरौँ, आफ्नो पहिचान र अस्तित्वका लागि एक हौं” भन्ने मूल नाराका साथ सन् २०२१ मा भएको हो । सुरु देखी नै घेदुङले विभिन्न सामाजिक कार्यहरुमा सक्रिय सहभागिता जनाउदै आएको छ ।
