नेपाल मगराँत स्वायत्त संघर्ष समिति दक्षिण कोरिया, नेपाल मगर संघ दक्षिण कोरियाको समानान्तर कमिटि नभएको घोषणा

सोल – नेपालमा पहिचान र अधिकारको लागि विभिन्न खाले आन्दोलन र संघर्ष भै रहेकोछ। विगत लामो समयदेखि विभिन्न समुदाय वर्ग क्षेत्र जातजातिहरु आफ्नो अधिकार पहिचान र समानुपातिक समावेशिता नेपालको बन्दै गरेको संविधानमा समावेश होस् भन्ने चाहान्थ्ये। तर त्यसो हुन सकेन। फलस्वरुप आज पनि आदिवासी जनजातिहरु, थारु र मधेसी समुदायहरु आन्दोलनरत छन्। यसै आन्दोलनको आवरणमा भारतले एउटा स्वतन्त्र सार्वभौम देश नेपाल माथि खुल्लमखुल्ला हस्तक्षेप गर्नु जायज होइन। हामी यो हस्तक्षेपको घोर विरोध गर्दछौं र नेपालका सरकार, राजनीतिक दलहरुलाई यथासक्य छिटो हाम्रो आन्तरिक समस्या आपसी समझदारी मार्फत सुल्झाउन विलम्ब नगर्न अनुरोध गर्दछौं।

हामीलाई थाहै छ अहिलेको प्रस्तावित संघीयताको ७ प्रदेशको खाकामा मगराती भूमिलाई ३ प्रदेशतिर विभाजन गरिएको छ। ऐतिहासिक मगरात भूमिलाई छिन्न भिन्न पारेर जुन संघीय प्रदेशको सीमांकन गरिएको छ त्यसको विरोधमा नेपालमा रहेका मगर, मगरात प्रति सद्भाव राख्ने गैर मगरहरु, विभिन्न राजनीतिक दल,वुद्धिजीवी तथा संघ संगठनहरुको समर्थनमा नेपाल मगर संघ नेपाल र नेपाल मगराँत स्वायत्त संघर्ष समितिले आन्दोलन गर्दै आएको छ।

हामी विभिन्न विचार धारमा बाँधिएका छौं। विदेशमा रहनुहुने मगर तथा गैर मगरहरु पनि उक्त आन्दोलनको पक्षमा र विपक्षमा रहनु अस्वाभाविक होइन। यसै विच नेपालमा भइरहेको आन्दोलनलाइ समर्थन गर्दै मिती २०१५/०९/१३ गते नेपाल मगर संघ कोरियाका निवर्तमान अध्यक्ष श्री पुरन राना मगरको संयोजकत्वमा ७ सल्लाहकार सहित १५ सदस्यीय “मगराँत स्वायत्त प्रदेश संघर्ष समिती दक्षिण कोरिया” गठन भएको थियो। उक्त समिति गठन भए संगै नेपाल मगर संघ दक्षिण कोरया र बाहिर एक खालको भ्रम पर्न गएको थियो अर्थात् नेपाल मगर संघ दक्षिण कोरिया को समानान्तर कमिटीको गठनभयो भन्ने भ्रामक प्रचारप्रसार हुन पुग्यो। यसै भ्रमलाई चिर्न नेपाल मगर संघ दक्षिण कोरियाको कार्यालय तोंङदेमुन स्थित हलमा २०१५/०९/२६ तारिखका साँझ बसेको बैठकमा भएको छलफल र सहमती अनुसार “नेपाल मगर संघ दक्षिण कोरिया” र “नेपाल मगराँत स्वायत्त संघर्ष समिति दक्षिण कोरिया” समानान्तर कमिटी हो भन्ने भ्रम चिर्न र नेपाल मगराँत स्वायत्त संघर्ष समितिले नेपाल मगर संघ दक्षिण कोरियाको विधीविधान र मर्मलाई असर नपुग्ने गरि स्वतन्त्र रुपमा कामकारबाही अगाडी बढाउन सक्नेछ भन्ने सहमति गरेको छ। र २०१५/०९/२७ तारिखको दिन बिहान तोङदेमुनमा भएको नेपाल मगराँत स्वायत्त संघर्ष समिती दक्षिण कोरियाको भेलाले लिखित रुपमा नेपाल मगरसंघ दक्षिण कोरियाको समानान्तर कमिटि रहेको भन्ने भ्रमलाई चिर्दै, उक्त संघको मर्म,विधि,विधानलाई असर नपुग्ने गरि आफ्नो कामकारबाही आगाडी बढाउने स्वतन्त्रता राख्दछ भन्ने सर्वसम्मत रुपमा सहमति गरेको छ। यसै गरि उक्त भेलाले नेपाल नेपाल मगराँत स्वायत संघर्ष समितिले पहिलो चरणको आर्थिक संकलन यथासक्य छिटो नेपाल सम्बन्धित संस्थालाई पठाउने र बलराम पुन मगरलाई वरिष्ठ सल्लाहकार र किरण थापामगरलाई प्रवक्ताको जिम्मेवारीदिने निर्णय पनि गरेको छ। साथमा अन्य देशहरुमा रहेको मगराँत संघर्ष समितिहरु संघ पनि सान्वय गर्दै अगाडी बढ्ने निर्णय गरिएको छ।

बाहिर देखिएको र सुनिएको “नेपालमगर संघ दक्षिण कोरिया” र “नेपाल मगराँत स्वायत्त संघर्ष समिति दक्षिण कोरिया” समानान्तर कमिटि होइन भन्ने हामीले यसै निर्णय बाट प्रष्ट पार्न चाहान्छौं।यस् अभियानलाई सफल बनाउन जो जस्ले जहाँ जसरि सहयोग गर्नुभएको छ उहाँहरु सबैलाई हार्दिक धन्यवाद प्रदान गर्दछौं।