नेपाल मगर संघ कोरियाद्वारा मगर कल्याणकारी सहयोग कोषको स्थापना

सुब्बा राना मगर

सोल – नेपाल मगर संघ दक्षिण कोरियाले दक्षिण कोरियामा रहेका सम्पूर्ण मगरहरुको लागी दीर्घकालिन सहयोगार्थ “मगर कल्याणकारी सहयोग कोष” को स्थापना गरेको छ |
नेपालबाट विभिन्न पेशा, ब्यबसाय अथवा अन्य प्रायोजनको लागी दक्षिण कोरियामा प्रवेश गर्नु भएका सम्पूर्ण मगर दाजुभाइ तथा दिदिबहिनीहरु बीच एकताबोध गराई हरेक शुख दुखमा हातोमालो गर्दै अघि बढ्नको निम्ति अभियान चलाइएको संस्थाले जनाएको छ |

बिशेषत: प्रबासमा हुने दैनिक दुर्घटना(कलकारखाना, सवारी), बिरामी, मृत्यु, बेरोजगारी, भाषिक समस्या, मानसिक दुर्बलता आत्माहत्या जस्ता समस्याहरुको निराकरणको हेतुले नेपाल मगर संघ दक्षिण कोरियाले यस मगर कल्याणकारी सहयोग कोषको लागी ब्यापक पहल गर्दै नेपाल मगर संघ कोरिया संग सम्बन्धित गैर–मगर कलाकार, खेलाडी तथा व्यक्ति-बिशेषहरुलाई समेत सम्मानार्थ सदस्यता प्रदान गरि मगर सरह समान सेवा सुबिधा प्रदान गर्ने निर्णय समेत संस्थाले गरेको छ |

 
यस मगर कल्याणकारी सहयोग कोष अभियानको उद्धेश्यहरु

१.) दक्षिण कोरियामा रहेका मगरहरुको जनगणना गर्न |
२.) मगर-मगर बीच आपसी सहयोग र सद्भावमा ब्यापक बिस्तार गरी एकता कायम गर्न |

३.) आपतकालीन समस्या ( सामाजीक, मानसिक र आर्थिक )को समाधानलाइ छिटो, छरितो र ब्यबहारिक बनाउन |

४.) गैर मगर खेलाडी ,कलाकार तथा व्यक्ति बिशेषहरुको सम्मान गर्न |
५.) दुर्घटनामा परि मृत्यु, अंगभंग, बिरामी, भाषिक समस्या, बेरोजगारी तथा अन्य प्रमाणित समस्याको समाधान गर्न पहल गर्ने |
६.) मगरहरुलाई ब्यबसायिक तथा लगानी मैत्री बाताबरणको सिर्जना गर्ने |

 
यस मगर कल्याणकारीकारी सहयोग कोष अभियानको सदस्यताको लागी दक्षिण कोरियामा रहनु भएका सम्पूर्ण मगर दाजु भाइ तथा दिदि बहिनीहरु स्वतन्त्र रुपमा हकदार हुनु हुनेछ त्यस्तैगरि गैर-मगर खेलाडी, कलाकार तथा व्यक्ति बिशेषहरुलाई नेपाल मगर संघ दक्षिण कोरियाले पूर्व जानकारी गराई सदस्यता प्रदान गर्ने छ |

सदस्यताको लागी आवश्यक कागजातहरु
१.) नाम , ठेगाना (कोरिया र नेपालको दुवै )
२.) सम्पर्क मोबाइल नम्बर
३.) न्युनतम तोकिएको बार्षिक सदस्यता शुल्क १०,००० (दश हजार कोरियन वन )

मगर कल्याणकारी सहयोग कोष” को सेवा सुबिधा प्राप्त गर्ने आधार / प्रमाणहरु तथा न्युनतम सिमाहरु

१.) सदस्यता लिएको मितिले ४५ दिन नाघेपछिको समयबाट यस कोषको सेवा सुबिधा प्राप्त
गर्न सकिने
२.) दुर्घटनामा परि घाइते बिरामी, अंगभंग, तथा अन्य प्रमाणित समस्या भएमा बढीमा
अधिकतम ५०,००,००० (पचास लाख कोरियान ) सम्मको आर्थिक सहयोग गर्न
सकिने सो भन्दा बढीको सहयोग आवश्यक देखिएमा आर्थिक सहयोग संकलनको
लागी बिशेष अभियान चलाउने
३.) यस कोषको सदस्यता लिएको समयाबधि भित्र नेपालमा रहेपनि यस कोषको सेवा
सुबिधा हरु प्राप्त गर्न सकिने छ l
४.) एक बर्षको समयावधी सकिएपछि पुन न्युनतम शुल्क बुझाइ नबिकरण गर्नु पर्ने |

पुनश्च – यस मगर कल्याणकारी सहयोग कोषको सदस्यता बन्नु हुने मगर महानु भाब हरुले मात्र सेवा सुबिधा प्राप्त गर्नु हुने हुदा सबैमा जानकारी गराउनुको साथै अन्य सल्लाह सुझाब र सदस्यताको लागी तल दिइएको नम्बरमा सम्पर्क गर्न सक्नुहुनेछ l सम्पूर्ण विवरणहरु अनलाइन मिडिया र फेसबुक पेज मार्फत जानकारी गराईइने छ |

 
सम्पर्कको लागी :-

खड्ग थापा मगर (010-3218-2398 ) – अध्यक्ष (नेपाल मगर संघ )
लोक राना मगर ( 010-5942-9870 ) –
हिक्मत पुलामी मगर ( 010-2747-6329) –
जगत खाम्चा मगर ( 010-4833-8513 )-
रमेश लुङ्गेली मगर ( 010-2187-0844)
उषा मगर (010-4681-1309 )
सुब्बा राना मगर (010-4375-0593)