कोरियामा पूर्वेली बनभोज
फोनिज कोरिया संवाददाता
सउल
पूर्वाञ्चल सरोकार समाज दक्षिण कोरियाले कोरियामा रहेको पूर्वेलीहरुलाई समेटेर आइतबार बनभोज कार्यक्रम सम्पन्न गरेको छ । २ सय भन्दा बढी भेला भएको सो बनभोजमा कोरियाको कमाईलाई नेपालमा उचित लगानी गर्ने बारे सामान्य छलफल र विभिन्न मनोरञ्जनात्मक खेलहरु खेलेर रमाएका थिए ।
शनिबार साँझदेखि नै तोकिएको बनभोज स्थल ख्यइ०गी दो नामयाइ०मा पूर्वेलीहरु पुगी सकेका थिए । नेपालीहरुको बाक्लो उपस्थीती रहने दोइ०देमुन शहरबाट बनभोज स्थलसम्म पुग्न बसको व्यवस्था गरिएको थियो । सिम सिम पानी परेपनि बनभोजमा कुनै बाधा परेन । कोरियामा अहिले सम्म भएको बनभोज कार्यक्रम भन्दा पूर्वेली बनभोजमा धेरै जनाको उपस्थीति रहेको समाजका सचिव राजु थापाको दावि छ ।
समाजमा आवद्ध पूर्वाञ्चल क्षेत्रका क्षेत्रिय तथा जातियलगायत १६ संघ संस्थाका प्रतिनिधीहरु त्यस्तै समाजका सल्लाहकारका रुपमा रहेका कोरियाका राजनीतिक संगठनका नेतृत्वहरु पनि बनभोजमा सहभागि भएका थिए । ध्यान राईले बनभोजको संयोजकत्वको भूमिका निभाएका थिए भने सचिव राजु थापाले व्यवस्थापन । एनआरएन आइसीसीका प्रतिनिधी केपी सिटौला र एनसीसीका पूर्व अध्यक्ष लोचन राईको पनि उपस्थिती रहेको थियो ।
बनभोजमा आँखामा पट्टी बाँधेर घैटो फुटाउने खेलमा घौटो नपाए पछि बलको प्रयोग गरी खेलेका थिए । त्यस्तै म्युजिकल चियर खेल पनि खेल्नुका साथै नाच गान गर्दै रमाइलो गरी मनोरञ्जन लिएका थिए । कोही भने नजिकैको खोलामा डुबुल्की मार्दै गर्मीको शितलमा रमाइरहेका थिए ।
पूर्वाञ्चल क्षेत्रका कोरियामा रहेका क्षेत्रिय तथा जातिय विभिन्न संघ संस्थावीच समुनात्यमक भूभिका निर्वाह गर्दै नेपालमा कोरियाको कमाईलाई कसरी सुरक्षितरुपमा लगानी गर्न सकिन्छ भन्ने उद्देश्यले पूर्वाञ्चल सरोकार समाज स्थापना भएको संयोजक काजी नेपालको भनाइ छ ।
