कोरियामा कार दुर्घटनामा परी एक नेपालीको मुत्यु
फोनिकोरिया संवाददाता
सउल
दक्षिण कोरियामा शनिबार प्रभातकालिन साढे ३ बजेतिर कार दुर्घटनामा परी पाल्पाका हेमन्त आचार्यको निधन भएको जानकारी आएको श्रम सहचारी देवराज ढकाले बताउनुभयो । वन्जुको मुनमाकमा रोकी रहेको ट्रकमा ठोक्किएर कार दुर्घना भएको थियो ।
कार चालक अर्का नेपाली पाँचथर निवासी सुवास मुखिया गम्भिर घाइते भएका छन् । हाल उनी खिदोक वाइ०जु अस्पतालमा उपचार गराइरहेका छन् । मृतक आचार्य सिविटी पास गरी ७ महिना अघि पुनह कोरिया आएका थिए । मृतक आचार्य कोरिया वसाई पाँच वर्ष पुरा गरी नेपाल गएर विवाह गरी पुनह कोरिया आएका हुन ।
गरमी विदा शुरु भएकाले नजिकै काम गर्ने सुवासलाई बोलाएर मदिरा सेवन गरेका साथीहरुले बताएका छन् । गाडी बनाउने कम्पनीमा कार्यरत मृतक आचार्य कम्पनीकै गाडी लिएर राती थप मदिरा लिन बाहिर निस्केका हुन सक्ने अनुमान साथीहरुले गरेका छन् ।
