कोरियामा फेरी अर्को नेपालीले गरे आत्माहत्या
फोनिज कोरिया संवाददाता
सउल
दक्षिण कोरियामा एक व्यवसायी नेपालीले आत्माहत्या गरेको घाउ मेट्न नपाउदै फेरी अर्को नेपालीको आत्माहत्याको खबर आएको छ । सोमबार सउल नजिकै जोइ०गबन्दमा एक कृषी फार्ममा काम गर्दै आएका २७ वर्षिय नारायण पाण्डेले आत्माहत्या गरेको संगै काम गर्ने साथी चन्द्र राईले जानकारी दिनुभयो ।
विहान ५ बजे उठेर हेर्दा ओछ्यानमा नदेखेपछि खोज्दै जादा अर्को कोठामा घाटीमा विजुलीको तारको पासो लागई झुण्डिएको अवस्थामा भेटिएको संगै सुतेका साथी चन्द्र राईले बताउनुभयो । राईका अनुसार मृतकलाई मानसिक समस्या देखिएपछि अर्को महिना नेपाल जाने तय भइसकेको थियो । अहिले जाउ भन्दा मृतकले नै एक महिना काम गरेर जान्छु भनेका थिए ।
शुरुमा काम गर्न आउदा राम्रै रहेपनि विस्तारै सानो कुरामा पनि बढी मानसिक तनाब लिने र बढी नकरात्मक सोचाई राख्न थालेपछि साहुलाई भनेर चिकित्सकलाई समेत चाँच गरेको राईले बताउनुभयो । मृतकको समस्याबारे नेपालमा परिवारलाई खबर गरेता पनि पत्निले केही दिन काम गरेपछि नेपाल फर्के हुने भनिएको राईले थपे ।
गुल्मी ठूलो लुम्पेक ९ का मृतक पाण्डेका पत्नि र ३ वर्षका छोरी रहेका छन् । उनी कोरिया प्रवेश गरेको ३ महिना मात्र पुगेका थिए । घटनाबारे दूताबासलाई सामान्य जानकारी आएपनि आज विदाको दिन परेकाले प्रहरीबाट औपचारीक जानकारी नआएको श्रमसहचारी देवीराम ढकालले बताउनुभयो ।
