किराया बुसानले सयुक्त बैठक तथा पत्रकार सम्मेलन गर्दै
फोनिज कोरिया सम्वाददाता
बुसान,
कोरियाको नयाँ वर्ष तथा महान चाड सललारको उपलक्ष्यमा किरात राई यायोख्खा बुसान दक्षिण कोरियाले वृहद नेपाली साँस्कृतिक कार्यक्रमको आयोजना गर्ने भएको छ । सललारको पहिलो दिन जनवरी २७ तारिखका दिन नेपालका ख्याती प्राप्त कलाकारहरुको साथमा गर्न लागेको उक्त साँस्कृतिक कार्यक्रमको विषयमा आउदो डिसेम्बर ४ तारिख आइतबारका दिन बुसान आसपासमा रहेका विभिन्न सामाजिक संघसंस्था र सम्पूर्ण नेपालीहरुविच बैठक तथा पत्रकार सम्मेलन गर्ने भएको छ ।
2015 मा स्थापना भएको यस सस्था स्थापना भएको छोटो समयमा नै थुप्रै कार्यक्रमहरु सम्पन्न गर्दै सामाजिक कार्यमा सकृय सस्थाको रुपमा कोरियाभर आफुलाइ चिनाइसकेको छ । आउदो सलनालमा गर्न लागिएको कार्यक्रम बुसान क्षेत्रमा बिगतमा भएका कार्यक्रम भन्दा हरेक पक्षमा भब्य र स्तरिय बनाउन लागेकोले यस क्षत्रका अन्य सघ सस्था, सन्चारकर्मी र सम्पुर्ण नेपाली दाजुभाई तथा दिदी बहिनीहरु सङ्ग सदभाब, सहयोग , सल्लाह र सुझाब अपरिहार्य भएकोले सयुक्त बैठक तथा पत्रकार सम्मेलन गर्न लागिएको कुरा कि रा या बुसानका अध्यक्ष आनन्द राईले जानकारी गरएका छन । साथै कार्यक्रमको लागि सबैलाई औपचारिक पत्र पनि पठाइसकिएको छ र कारण बश पत्र प्राप्त नभएमा यसै समाचारलाई आधार मानेर सबैलाइ उपस्थितिको लागि हार्दिक अनुरोध पनि गरेका छन ।
सयुक्त बैठक तथा पत्रकार सम्मेलनको लागि मिति: 4 डिसेम्बर 2016 आइतबार
समय: दिनको ठिक 1 बजे
स्थान: न्यु लिटिल इन्डिया नेपाली रेस्टुरेन्ट बुसान यक , गेट न. 7
