विराजको नेतृत्वमा नेपाली फुटबल टिमको घोषणा, विमल र भरत टिम बाहिर
जुन २ र ६ मा हुने मलेसिया र चाइनिज ताइपेइविरुद्धको मैत्रीपूर्ण खेलका लागि विराज महर्जनको कप्तानीमा नेपाली फुटबल टिमको घोषणा भएको छ ।
नेपाली राष्ट्रिय फुटबल टिमका मुख्य प्रशिक्षक योहान कालिनले सोमबार बेलुकी २३ सदस्यीय टिमको टुंगो लगाएका हुन् ।
आर्मीका कप्तान भरत खवास, हेमन गुरुङ र विमल घर्तीमगर टिममा छैनन् । उनीहरु चोटका कारण टीममा पर्न असफल भएका अखिल नेपाल फुटबल संघ (एन्फा)ले जानकारी दिएको छ ।
नेपाली टीममा पहिलो पटक अभिषेक रिजालले स्थान बनाएका छन् । विंगर मिडफिल्डर अभिषेक मनाङ मर्स्याङ्दी क्लबबाट व्यवसायिक फुटबल खेलिरहेका १९ वर्षीय खेलाडी हुन् ।
त्यस्तै, पुराना अनुभवी खेलाडी जगजित श्रेष्ठ भने टिममा परेका छैनन् । उनी राष्ट्रिय टीमबाट फुटबल खेल्नकै लागि अष्ट्रेलियाबाट नेपाल आएका थिए ।
यो पटकको फरवार्ड लाइनमा दुई जना चर्चित खेलाडी पनि नहुने भएको छ । आर्मीका कप्तान भरत खवास, हेमन गुरुङ र विमल घर्तीमगर टिममा छैनन् । उनीहरु चोटका कारण टीममा पर्न असफल भएका अखिल नेपाल फुटबल संघ (एन्फा)ले जानकारी दिएको छ ।
नेपालले जुन २ तारिखमा मलेसियासँग उसैको भूमिमा खेल्दैछ भने जुन ६ तारिखमा चाइनिज ताइपेइसँग खेल्दैछ ।
यस्तो छ नेपाली फुटबल टिम
गोलकिपर :
किरण चेम्जोङ
एलन न्यौपाने
विकेश कुथु
डिफेन्स :
विराज महर्जन (कप्तान),
सरोज दाहाल,
रन्जित धिमाल,
सुमन अर्याल,
अनन्त तामाङ,
अजित भण्डारी,
देवेन्द्र तामाङ,
रवि सिलवाल
मिडफिल्ड/फरवार्ड :
सुनिल बल,
रवि पासवान,
सुजल श्रेष्ठ,
विशाल राई,
रोहित चन्द,
विक्रम लामा,
सन्तोष तामाङ,
तेज तामाङ,
विमल राना,
नवयुग श्रेष्ठ,
अभिषेक रिजाल र
अञ्जन विष्ट
