आदीवासी जनजाति महासंघ, जेजुकाे प्रथम बार्षिक साधारण सभा सम्पन्न
नेपाल आदीवासी जनजाति महासंघ, जेजु दो शाखा दक्षिण कोरियाको प्रथम बार्षिक साधारण सभा शनिवार सम्पन्न भएकाे छ । सगिफो-सी रेजिना फेन्सनमा भएकाे कार्यक्रममा जेजुमा रहेका विभिन्न संस्थाका प्रतिनिधिकाे उपस्थिती रहेकाे थियाे ।
गजिन हाङस्रोङको अध्यक्षयतामा भएकाे कार्यक्रममा प्रमुख अतिथि – गैर आवासीय नेपाली संघ अन्तर्राष्ट्रिय समन्वय परिषद NRNA जेजू शाखा अध्यक्ष- सुमन हाङस्रोङ, विशेष अतिथि नेपाल आदिवासी जनजाति महासंघ जेजू शाखा संरक्षक तथा कि या चु उपाध्यक्ष अर्जुन तुम्वापो रहेका थिए । त्यस्तै कार्यक्रममा अन्य अतिथिहरुमा कियाचु जेजू प्रतिनिधि तथा कोषाध्यक्ष मन कुमार तुम्रोक, नेपाल तामाङ घेदुङ संघ जेजु सचिव खगेन मोक्तान, तमुधी जेजुका निवर्तमान अध्यक्ष मन गुरुङ, सोलुखुम्बु समाज सेवा जेजू संयोजक गोकुल शर्मा, NRNA निवर्तमान अध्यक्ष कोमल प्याकुरेल रहेका थिए । वक्ताहरूले अादिवासी जनजातिका मागमा जेजु नेफिनले पनि भूमिका खेल्ने अपेक्षा गरेकाे बताएका थिए ।
कार्यक्रम संचालन महासचिव दिल बहादुर मगरले गरेका थिए भने अध्यक्षवाट वार्षिक कार्यप्रगति प्रतिवेदन प्रस्तुत गरेका थियाे भने विधान निर्माण समिति संयोजक अर्जुन तुम्बापो वाट विधान अनुमोदनको लागि प्रस्तुत गरिएकाे थियाे । त्यस्तै काेषाध्यक्ष सरू राईले वार्षिक आर्थिक प्रतिवेदन (आय व्यय) प्रस्तुत संगसंगै Nefin जेजु शाखा संमन्वय समिती संयोजक सुमन हाङस्रोङ लाई कदर पत्र द्धारा सम्मान गरिएको थियो ।
