‘सोनसिक’ मा इन्दिरा तिवारी
लिलु डुम्रे
सोल-नेपाली बिधार्थी समाज दक्षिण कोरियाको १२ औ साधारण सभाले इन्दिरा तिवारीको नेतृत्वमा १३ सदस्यीय नया कार्यसमिति समिति चयन गरेको छ । सनिबार र आइतबार सन्मुन बिश्वबिद्यालय छनानमा भएको सभामा तिवारीले एक सय सात मत प्राप्त गरि विजय भएकी हुन । सभापतिका अर्का प्रत्यासी निरन्जन कोइरालाले ४४ मत प्राप्त गरेका थिए ।
उपसभापतिमा चार क्षेत्रबाट एकमा ठाकुर ढकाल,दुइमा विजय बस्नेत तिनमा सौरभ भट्टराई र चारमा मोहन श्रेष्ठ चयन भएका छन । उपसभापतिका लागि क्षेत्र एकमा मतदान मार्फत ढकाल विजय भएका थिए । अन्य तिन क्षेत्रमा भने निर्बिरोध चयन भए । सभाले सचिव सह सचिव र सदस्यहरु निर्बिरोध चयन गरेको छ । सचिवमा प्रभात पाठक ,सह सचिवमा आराजना श्रेष्ठ ,बिबेक चौधरी र कमल केसीका बीचमा चुनावी मत परिणाममा श्रेष्ठले अन्यलाइ पछि पार्दै विजय भइन । कोषाध्यक्षमा शिश्ली सिम्खडाले जिम्मेवारी पाएकी छन । अनसुया ढकाल , सुनेस केसी ,जबिन्द्र खनाल, सकिन श्रेष्ठ र रमेश परियार सदस्यमा चुनिएका छन ।
एक बर्षको कार्यकाल रहने कार्यसमितिकि सभापति तिवारीले २०१० को सोनसिक कार्यसमितमा कोषाध्यक्षको जिम्मेवारी बहन गरिसकेकी हुन् । तिवारीले पुसान नेसनल युनिभर्सि्टि बुसानमा सूक्ष्म जीव बिज्ञानमा पीएचडी गर्दै्छिन ।
उनले आफ्नो कार्यकालमा सोनसिकमा बिद्यार्थी आवद्ता बढाउने ,नेपाल प्रवर्धनात्मक गतिबिधि र सास्कृतिक कार्यक्रम आदानप्रदान गर्ने जानकारी गराईन । एक बर्षको कार्यकालमा बौद्धिक र रचनात्मक कार्यक्रमहरु सुधार गर्दै निरन्तता दिने स्पष्ट पारिन ।
नवनिर्वा्चित तिवारीले सोनसिक कोषको स्थापना गर्ने ,कोरियाको शिक्षा मन्त्रालय ,कोरियन राजदुतावास र नेपाली दुतावाससंग समन्वय गरि एन आइ आइ ई डी छात्रबृति बढाउन पहल गर्ने र कोरियाका प्रतिष्ठित अनुसन्धान केन्द्रहरुमा नेपालका बिस्वबिद्यालयहरुले पनि प्राज्ञिक अनुसन्धान गर्न सक्ने गरि एमओयुका लागि बढी ध्यान केन्द्रित गर्ने भावी नीति बताईन ।
