डोल्मा र उमेशलाई सहयोग हस्तान्तरण
सोल – किराँत राई यायोख्खा कोरिया र एमटियु कोरिया ओसानले संयुक्त रुपमा कार्यक्रमको आयोजना गरी संकलन गरेको सहयोग रकम , बोनम्यारो पीडित दोलखाकी डोल्मा सेर्पा (कोरियामा उपचाररत ) र तीन बर्षअघी सवारी दुर्घट्नामा परेका झापा चन्द्रगढीका उमेश राईलाई हस्तान्तरण गरिएको छ ।
हिमालयन स्टोरी रेस्टुरेण्ट सुवनमा गत अगस्ट १५ तारिक ‘सुवोन जंक्सन म्युजिकल पार्टी तथा फुड फेस्टिभल’ बाट जम्मा भएको सहयोग रकम जम्मा नौ लाख छ हजार वनबाट पति ब्यक्ती चार लाख त्रीपन्न हजारका दरले हस्तान्तरण गरिएको हो ।
अगस्ट २३ तारिक आईतबारको दिन कसम रेस्टुरेण्ट सुवोन स्थित किराँत राई ययोख्खा दक्षिण कोरियाका अध्यक्ष दिनेश राई र संस्थाकै कोषाध्यक्ष बन्दना राई मार्फत डोल्मा सेर्पालाई सहयोग रकम हस्तान्तरण गरिएको थियो ।
त्यस्तै उमेश राईलाई भने सहयोग रकम नेपाल नै पठाईएको छ । उक्त अनौपचारिक कार्यक्रममा उपस्थित भएर प्रत्यक्ष वा अप्रत्यक्ष रुपमा सहयोग गरिदिनुहुने सम्पुर्णलाई आयोजक संस्था किराँत राई यायोख्खा कोरिया र एमटियु ओसानको तर्फबाट हार्दिक धन्यबाद ब्यक्त गरिएको छ ।
