१० औं विश्व तेक्वान्दो प्रतियोगितामा नेपालीले हासिल गरे दोस्रो स्थान
सोल-तेक्वान्दो कल्चर एक्स्पो (10th TAEKWONDO CULTURE EXPO) मा दुर्गामान तामाङले तेक्वान्दोको दुई विधा अन्तर्गत स्पाईरिङमा दोस्रो र पुम्से तर्फ तेस्रो स्थान हात पार्न सफल भए ।
कोरियाको मुजुमा जुलाई ७ देखि १९ सम्म सञ्चालित १० औं तेक्वान्दो कल्चर एक्स्पोमा२५ वर्ष देखी ३५ वर्षसम्मका विश्वका ३२ राष्ट्रका तेक्वान्दो खेलाडीहरुले सहभागिता जनाएको उक्त प्रतियोगितामा नेपालबाट नेपाली प्रशिक्षक अशोक खड्काको नेतृत्वमा तामाङले उक्त प्रतियोगितामा सहभागिता जनाएका थिए ।
रोजगार अनुमती प्रणाली (EPS)बाट सन २०१२ मा कोरिया प्रवेश गरेका तामाङले तेक्वान्दोप्रतिको तिव्र ईच्छा र चाहनाले गर्दा कोरियाको १२ घण्टा काम गरेर भए पनि राती ९ बजे देखि १० बजे सम्म ईन्छ्नस्थित यन्मु डोजाङमा ३वर्ष तालिम समेत प्राप्त गरि सकेका उनले सन् २०१२ मा दोस्रो डान र सन् २०१४ मा तेस्रो डान समेत प्राप्त गर्न सफल भएका छन ।
काशीखण्ड नगरपालिका २ , काभ्रेमा बुबा नर बहादुर तामाङ र आमा सुन्तली तामाङको एक्लो सन्तान तामाङले नेपालमै वि.स. २०६२ सालबाटै तेक्वान्दो खेल्न सुरु गरेका थिए ।कालोपेटी डान नेपालमै प्राप्त गरि सकेका उनले बालकुमारी तेक्वान्दो डोजाङमा प्रशिक्षक भएर काम गर्दा गर्दै कोरिया प्रवेश गरेको उनले बताए ।
