‘हामी नेपाली’ कन्सर्टका कलाकार कोरियामा
फोनिज कोरिया संवाददाता
सोल-सेभ नेपाल फुटवल फाउण्डेशनले भूकम्प पीडितको सहयोग जुटाउनकै लागि कोरियामा आयोजना गर्न लागेको सांगीतिक कन्सर्टका कलाकार कोरिया आइपुगेका छन् ।
बुद्ध जयन्तीको अवसरमा पारेर मे २४ भोलि आयोजना गर्न लागिएको कन्सर्ट तताउन गायक एन्ड्रीन प्रधानले नेतृत्व गरेको १९७४ एडी ब्याण्ड कोरिया आइपुगेको छ ।
कलाकारहरुलाई फाउन्डेसनका पदाधिकारीहरुले इन्च्छन बिमान स्थलमा स्वागत गरेका थिए |सोल झाम्सीलमा हुने ‘हामी नेपाली ‘ नाम दिइएको कन्सर्टमा नेपाली तारा प्रताप लामा, नृत्यकार परिना राईले पनि साथ दिने छन् । कार्यक्रम संचालन गर्न भने पूर्ब मिस नेपाल सदीक्षा श्रेष्ठ आएकी छिन् |
