सौलमा ‘छक्का पन्जा’ प्रदर्शन हुने |

हास्य क्षेत्रका  सफल कलाकार  दिपक र दीपाको अति नै मन पराईएको चलचित्र छक्का पन्जा आउदो २०१६ नोभेम्बर १३ का दिन सौलमा प्रदर्शन हुने भएकोछ  ।

कोरिया लगाएत नेपालमा सामाजिक सेवामा तत्पर राप्ती समाज द. कोरियाले उक्त अबसर मिलाएको हो ।

कोरियामा समस्यामा परेका नेपालीहरुका लागी सौलमा राप्ती घर सन्चालन गर्ने उद्देश्यले सहयोग जुटाउदै भरपुर मनोरन्जन दिन फिल्म प्रदर्शन गर्न लागिएको राप्ती समाजका अध्यक्ष बिर कुमार ओलीले फोनिज कोरियालाई  जानकारी दिएकाछन्  । कोरियामा रहेका नेपालीलाई उपस्थित भै मनोरंजनका साथमा सहयोग गरिदिनु हुन पनि ओलीले आग्रह गरेका छन् |

साथै सोही दिन केदिबी लाईफ इन्सोरेन्स सँगै woori bank  र नेपालको माछापुछ्रे बैंकको रेमिटेन्स खाता खोल्न सकिने अध्यक्ष ओलीले बताए ।

मिति :२०१६ नोभेम्बर १३ ,आइतबार

स्थान :जोगेसा गुम्बा, जोंग्गाक सौल

जाने तरिका : ट्रेन लाइन १ , जोंगाक स्टेसन ,गेट नम्बर २

नेपाली चलचित्र इतिहासकै सर्वाधिक कमाइ गर्न सफल चलचित्र ‘छक्का पन्जा’ यतिबेला छैंठौं हप्तामा नेपालमा भब्य रुपमा चलिरहेको छ |देश भरबाट ४० दिनमानै  १३ करोड रुपैयाँ ग्रस कलेक्सन गरेको चलचित्रले ५१ दिन मनाउने अनुमान गरेको छ| विदेशमा समेत छक्का पन्जाको प्रदर्शन भब्य रुपमा भएको छ| बेलायतको बिभिन्न शहरमा भव्यताका साथ यो चलचित्र चलिरहेको छ भने कोरियाको विभिन्न शहरमा पनि भब्य रुपमा प्रदर्शन हुदैछ|

दीपकराज गिरी, प्रियंका कार्की, शिवहरि पौडेल, केदार घिमिरे ‘माग्नेबुढा’, जितु नेपाल, बुद्धि तामाङ, वर्षा राउत लगायतको मुख्य भूमिका रहेको ‘छक्का पञ्जा’ ले फिल्म हेरुन्जेल दर्शक हँसाउछ । यसले गरिवीका कारण विदेशिन वाध्य आमनेपालीको अवस्था र विदेश गइसकेपछि भएको सामाजिक तथा पारिवारिक विचलन उजागर गरेको छ । यसअघि ‘छक्का पञ्जा’ फिल्म युनिटले बनाएका ‘छ एकान छ’ र ‘वडा नम्बर छ’ ले नेपाल र विदेशमा  पनि व्यवसायिक सफलता चुमेका थिए ।