नोभेम्बर ६ मा ‘ मुक्तक मञ्जरी ‘ विमोचन हुने
सोल –नेपाल मुक्तक प्रतिष्ठान दक्षिण कोरिया शाखाले संयुक्त मुक्तक संग्रह ‘ मुक्तक मञ्जरी ‘प्रकाशन गर्ने भएको छ ।आगामी नोभेम्बर ६ मा सो संग्रहको प्रकाशन यङ्नाम युनिभर्सिटी हुने भएको हो ।कोरियामा कार्यरत ४७ जना मुक्तककारहरुको मुक्तक संग्रहित छ ।
औंपचारिक र अनौंपचारिक गरी दुई भागमा कार्यक्रम विभाजन गरिएको, जसमा प्रथम चरणमा मुक्तक संग्रहको विमोचन र दोस्रो चरणमा साहित्यिक रचना वाचनको कार्यक्रम रहेको प्ररिष्ठानका सचिव खगेन्द्र पराजुलीले बताए ।उनले श्रष्टालाई रचनासहित उपस्थित हुन आग्रह समेत गरेका छन् ।
कार्यक्रम समापनपछि नयां कार्यसमितिको सोही दिन चयन गरिने नेपाल मुक्तक प्रतिष्ठानकी अध्यक्ष गंगा पौंडेलले बताईन् ।
विस्तृत जानकारी
मिति :2016 नोभेम्बर 6 आइतबार
समय : बिहान ११ बजेदेखि ४ बजेसम्म ।
स्थान : दुर्गा रेष्टुरेन्ट, थेगु (यङ्नाम युनिभर्सिटी नजिकै)
