बुसानमा तिहार कार्यक्रम भब्य रुपमा सम्पन्न
बुसान, दक्षिण कोरीयाको दोस्रो ठुलो शहर बुसान वरपर रहेका नेपालीहरुले लक्ष्मी पुजाको दिन अर्थात कोरीयामा विदाको दिन पारेर गत आइतबार तिहार कार्यक्रम सम्पन्न गरेका छन् । बुसानमा प्रत्येक बर्ष मनाइने यो तिहार कार्यक्रमको प्रायोजन बुसान मुन्ह्वा झेदान, सह-प्रायोजन न्युलिटील ईन्डिया रेष्टुरेन्ट र बम्बइ बरु रेष्टुरेन्टले गरेका थिए भने आयोजक बुसान एन आर एन र एन सी सी रहेका थिए ।
प्रमुख अतिथी बुसान मुन्ह्वा झेदान टिम्जाङनिम रहेको उक्त तिहार कार्यक्रममा एन आर एन कोरीयाकी प्रबक्ता इन्दिरा तिवारी र एन सी सी कोरीयाका वर्तमान सल्लाहकार साथै बुसान एन सी सी का संस्थापक पुर्व अध्यक्ष एल वि विष्ट विशेष अतिथी रहेका थिए भने मिर्याङ नेपाली समाज, नोक्सान नेपाली परीवार, किराँत राइ यायोख्खा बुसान, मगर संघ किम्हे, सुदुरपश्चिम समाज बुसान कोरीया लगायत विभिन्न राजनिती दलका प्रतिनीधीहरु, ब्यबशायी,विद्यार्थी,पत्रकार साथै ठुलो संख्यामा नेपालीहरुको उपस्थीति रहेको थियो । कोरीया एन सीसीका माहासचिव नविन के सी ले सन्चालन गरेको औपचारिक कार्यक्रमको सभापति एन सी सी वुसानका वर्तमान अध्यक्ष संगित अधिकारीले गरेका थिए । कार्यक्रममा उपस्थीत अतिथीहरुबाट पानसमा वत्तीबालेर कार्यक्रमको उद्घाटन साथै लक्ष्मी पुजा गरीएको थियो ।
कार्यक्रम आयोजक मध्येका एक, एन आर एन बुसानका कार्यवाहक अध्यक्ष रविन राइ र एन सी सी कोरीयाका सल्लाहकार एल वि विष्टले दिपावलीको शुभकामना दिएका थिए । कार्यक्रममा लगाइएको भाइटीकाले नेपाली लगायत कोरीयन दर्शकको मन र ध्यानलाइ अन्त कतै जानैदिएको थिएन । एन आर एन वुसानका सचिब शुभास थापाले सन्चालन गरेको रमाइलो देउसी भैलो साँगितीक कार्यक्रममा सिथानीय कलाकारहरु मदन गिरी, सुजता बस्नेत,कम्लेस साउद,अनुप जोशी लगायतका धेरै कलाकारहरुको सुमधुर गितको आवाजले मन्च तताएको थियो ।
त्यस्तै गरेर माइकल विष्ट, सिता पुन लगायतका कलाकारहरुको दम्दार नृत्य र अझ साकेला नृत्यले झन तातेको माहोल रमाइलो देउसी-भैलो कार्यक्रमले झनै तताएर गर्मी नै बनाएको थियो । कार्यक्रम समापन पछी नेपाली सेलरोटी ,पुलाउ, तरकारी र अचारको स्वादले देउसी-भैलोबाट थाकेका नेपालीहरुलाइ जगाएको थियो । विश्वको जुनसुकै कुनामा रहेता पनी नेपाली कला-संस्कृति, चार्ड-पर्वको यस्तो महत्व, यसरी सहभागी जनाएका र रमाएका अनि यस्तो एकतामा बाँचेका नेपालीहरुलाइ सबैले तारीफ गर्नैपर्छ । बधाइ अनि धन्यवाद आयोजक साथै सम्पूर्ण नेपाली सबैलाइ ।
