युवा संगीतकार अटु बर्षको सर्बोत्कृष्ट संगीतकारको बिधामा मनोनित,भोट गर्न आव्हान
सोल-युवा संगीतकार डि आर अटु राष्ट्रको प्रतिष्ठित सातौ बिन्ध्यवासीनी म्युजिक अवार्ड – २०७३ अन्तर्गत बर्षको सर्बोत्कृष्ट संगीतकारको बिधामा मनोनित भएका छन् ।
प्रवासमा रहेर पनि नेपाली संगीतको क्षेत्रमा महत्वपुर्ण योगदान दिईरहेका संगीतकार अटुको संगीत बिन्ध्यवासिनी अवार्डमा छनौंट भएको हो ।सबैं खालका गीतमा संगीत गरीरहेका संगीतकार अटु पछिल्लो समय आधुनिक गीत तथा गजलको संगीतमा परिचीत छन् ।
सातैं बिन्ध्यवासिनी म्युजिक अवार्डमा अटुद्धारा संगीतबद्ध आधुनिक गीत जब सांझ पर्दैं गयो छनौंटमा परेको हो । कोरियामा रहेका गीतकार पूर्वेली गांउलेको शब्दमा मेलिना राईले उक्त गीत गाएकी छिन् ।
अटुलाई भोट गर्न BMA (Space) 4B टाईप गरी ३३००१ मा सेन्ड गर्नुपर्ने हुन्छ ।प्रवासबाट भोट गर्न नमिल्ने भएतापनि उनले आफना आफन्त, शुभचिन्तक,दर्शक श्रोता,संगीतप्रेमी सबैंलाई भोट गर्न आव्हान गरेका छन् ।
उनले भने ‘ विदेशमा कामबाट बचेको समयमा संगीतमा लागीरहेको छु तपाईहरुले मेरो मेहनतलाई माया र साथ दिदैं आउनु भएको छ तसर्थ भोट गरेर जिताउनु हुनेछ भन्नेमा पुर्ण विश्वस्त छु ।’
सो गीत युटुबमा हालसम्म ७ लाख ७ हजार ६ सय ६० पटक भ्यु भएको छ ।अटुद्धारा संगीतबद्ध दर्जनौं चर्चित गीतहरुमा पछिल्लो समय कांडाले घोच्ला,पथ्थर झैं रैंछ तिम्रो मुटु सर्वाधिक लोकप्रिय छन् ।
