भिरकोट आर्थर तमु समाज कोरियाको सम्मान तथा बिदाई कार्यक्रम सम्पन्न
धन गुरुङ,
सोल।
दक्षिण कोरियामा रहेका स्याङ्जा भिरकोट आर्थर बासी गुरुइ० हरुको साझा संस्था भिरकोट आर्थर तमु समाज कोरियाले आफ्ना सदस्याहरुलाई सम्मान तथा बिदाई कार्यक्रम सम्पन्न गरेको छ । कार्यक्रम गत शनिबार नोभेम्बर १९ तारिखको दिन दोङ्देमुनमा गरिएको थियो ।
रोजगार अनुमती प्रणाली ( ईपीएस) मार्फत दक्षिण कोरिया आएर सकुशल ४ वर्ष १० महिनाको कार्यावधी सम्पन्न गरी स्वदेश फिर्ता हुन लागेका आफ्ना सदस्यहरुलाई समाजले सम्मान तथा विदाई गरेको हो । कार्यक्रममा प्रमुख अतिथि एनआरएनए कोरियाका सदस्य तथा समाजका सल्लाहकार भावना तमु र समाजका अध्यक्ष नर कुमार तमुले संयुक्तरुपमा दोसल्ला ओढाएर सम्मान गरिएको थियो भने समाजका दिदिबहिनीहरुले मायाको चिनो उपहार प्रदान गरेको थियो ।
सम्मान तथा बिदाई हुनेहरुमा समाजका संस्थापक उपाध्यक्ष सनमाया गुरुङ , कार्यसमिति सदस्यहरु प्रेम गुरुङ , जमानसिं गुरुङ र जौ गुरुङ रहेको थियो । विशेषकारणबस जौ गुरुङ भने कार्यक्रममा उपस्थित हुन सकेका थिएनन् ।
कुनै दुख बिमार नभै सकुशल स्वदेश फिर्ता हुन लागेकोमा सम्पुर्णलाई बधाई साथै नेपालको सुखद बसाईको कामना गर्दै प्रमुख अतिथि गुरुङले भने – विदेशी भुमीमा रहेर आफ्नो गाउँठाउँको दाजुभाई दिदिबहिनीहरुलाई एकीकृत गरी यस्तो कार्यक्रमहरु आयोजना गरिनु आफैँमा उदाहरणी कार्य रहेको छ ।
समाजका अध्यक्ष नर कुमार तमुको अध्यक्षता रहेको कार्यक्रममा समाजका सल्लाहकारहरु सतिश गुरुङ, अमन गुरुङ र बिपना गुरुङको विषेश आतिथ्य रहेको थियो । समाजको परिकल्पनाकार सदस्य तथा संस्थापक लेसन गुरुङ्को स्वागत मन्तव्यबाट सुरु भएको कार्यक्रम सचिव धन गुरुङले सञ्चालन गरेका थिए ।
