नयाँ साल आउने अरे

गजल ,

पुरानालाई छाडी नयाँ साल आउने अरे

बूढो हुने खुशिमा मीठो गित गाउने अरे

च्यातिने भो पुरानो नयाँ पात्रो चाहियो
नयाँ पात्रो किन्नलाई बजारै पो धाउने अरे

उमेर च्यातिदैछ पुरानो पत्रीका सरि तर
नयाँ सालमा उमंग र उत्साह छाउने अरे

भन्दै थियो साथीले नयाँ साल नयाँ सोच
यै सालमा कसैसंग माया प्रीती लाउने अरे

खशिहरु रितिए छन पुरानैले दुखाई दिदा
दुखे पनि नयाँ सालमा नयाँ सोच पाउने अरे

आहाले ३ हर्दिया
हाल दक्षिण कोरिया