नेपालीलाई जापान जान सहज हुने
फोनिज कोरिया संवाददाता
काठमान्डौ-नेपालमा बैशाख १२ र २९ को महाभूकम्पमा परि हजारौ मानिसले ज्यान गुमाउन पुगे भने लाखौ मानिसहरु विस्थापित हुन पुगेका छन् | त्यसै क्रममा त्रसित नेपालीहरुकोघाउमा मलम लगाउन अहिले अन्तरास्ट्रिय समुदाय आतुर रहेको देखिएको छ । उद्धार तथा पीडितहरुको राहतको लागि पनि अन्तरास्ट्रिय समुदायको भूमिका सर्हानिय रहेको थियो ।
विभिन्न देशले नेपालका भूकम्प पिडितलाई रोजगारको अवसर दिई रहेको बेला जापानले पनि भूकम्पका कारण क्षति पुगेकोले नेपालबाट जापान जान चाहनेको लागि जापान सरकारले आवेदनलाई केहि सहज बनाउने तयारी गरेको छ ।
जापानको लागि ‘विद्यार्थी पत्रिका’ सँगको टेलिफोन संवादमा जापानी अध्यागमन विभागका अधिकारीले नेपालमा गएको भूकम्पीय क्षतिलाई मध्यनजर गर्दे आवेदन सहजताको प्रयास गरिने जनाएका छन् ।
नेपालमा बैशाख १२ र २९ मा विनाशकारी भूकम्पले ठूलो मानविय क्षति तथा भौतिक संरचनामा आएको क्षतिका कारण जापान प्रबेश गर्न लागेका विद्यार्थीहरुलाई समेत समस्या परेको भन्दै उनीहरुको अवस्था बुझेर जापान प्रवेशलाई सहजता प्रदान गर्ने अध्यागमनले जनाएको छ ।
जापान जाने विद्यार्थी तथा अस्थाई वसोबास अनुमति पाएका व्यक्तिहरुको भिसा अवधि इलिजिविलीटी सर्टिफिकेट आएको मितिले ३ महिनामा सकिने हुँदा नेपालबाट प्रवेशलाई समस्या पर्ने भन्दै त्यसप्रति जापानको मुख्य चासो रहेको अध्यागमनले जनाएको छ ।
तर टोकियोको नियम अनुसार कुनै पनि एक आवेदनको लागि छुट्टै निर्णय गर्न मिल्दैन । तसर्थ नेपाली भूकम्प प्रभावित विद्यार्थी तथा अस्थाई वसोवास आवेदकको हकमा उक्त नियम के हुने भन्ने बिषय अझै पनि निर्णय हुन सकिरहेको छैन ।
तर पनि भूकम्पले पारेको प्रभावलाई आधार बनाएर विशेष निर्णय भने गर्न मिल्दछ । जापानमा अहिले १० हजार भन्दा बढी विद्यार्थी अध्ययनरत रहेको जापानमा विद्यार्थी सम्वन्धि अध्ययन गर्ने संस्थाहरुले जनाएका छन् ।
त्यस्तै भूकम्पको बेला उद्धार तथा पीडितहरुको राहतको लागि जापान सरकार तथा जापानी नागरिकहरुले सहायता प्रशंसनीय मानिएको थियो भने जापान, नेपालबाट अध्ययन तथा रोजगारीका लागि जाने आकर्षक गन्तव्य राष्ट्रको रुपमा लिने गरिएको छ ।नेपाल जापान डटकम
