किराँत राई यायोक्खा कोरियाले मे २८ बुसान र जुन ४ सोलमा साकेला उभौली पर्व मनाउने

किराँतीहरुको महान पर्व उभौली साकेलाको उपलक्षमा किराँत राई यायोक्खा दक्षिण कोरिया केन्द्रिय संस्थाले आउदो जुन, ४ तारिक आइतबारको दिन सौल को तुङ्ग्देमुनमा र किराया बुसान शाखाले मे २८ बुसानमा उभौली साकेला पर्व-२०७४ कार्यक्रमको आयोजना गर्ने भएको छ।

वसन्त ऋतुको आगमन संगै बाली लगाउने समय अर्थात् बैशाख पुर्णिमाबाट सुरु भएर पन्ध्र दिनसम्म मनाइने उभौली पर्ब समयमै वर्षात होस्, अन्नबाली राम्रो होस्, जंगली जनावरले दुःख नदिऊन् भन्ने कामना गर्दै ढोलझ्याम्टाको तालमा नाचेर मनाइने यस पर्व अवधिभरि प्रकृति पुजक किरात-राई समुदायमा घरदेखि गाउँ-टोल हुँदै साकेला थानमा भेला भएर सामूहिक रूपमा साकेला मनाइने चलन छ । अन्नबाली छरेको, रोपेको, गोडेको, टिपेको, थन्क्याएको, धागो बाटेको, कपडा बुन्ने चरा चुरुङ्गी नाचेको आदि अभिनय गर्दै नाचिने यस पर्व किराँत समुदायको मौलिक संस्कृतिको रुपमा लिइन्छ।

परापुर्व काल देखि मनाउदै आएको यस पर्व, लोप हुदै गैरहेको अबस्थामा अहिले यसको संरक्षणको लागि किराती समुदायहरु रहेको ठाउँ, देश विदेशमा पनि मनाउन थलिएकोछ। अहिले दक्षिण कोरियामा किराँतीहरुको संख्या बढ्दो छ। निकै लामो समय देखि कोरिया मै स्थायी रुपमा बसोबास गर्दै आउनु भएको किराँत समुदाय र बिशेष गरेर ई.पी.एस. मार्फत श्रमको लागि दक्षिण कोरियामा प्रवेश गरेका किराँत राई समुदायको व्यक्तिहरु लाई लक्षित गरि गर्न लगिएको यस कार्यक्रम ले प्रबाशी भूमिमा पनि आफ्नो गाउँ घरको याद दिलाउदै, एकछिन भए पनि आफ्नो दुख पिडा लाई भुल्दै, मौलिक संस्कृतिको जगेर्णा गर्न यस्तो कार्यक्रमको आयोजना गर्न लागेको अध्यक्ष बाल कृष्ण बान्तावाले जानकारी दिनु भयो।

नेपालमा बैशाख पुर्णिमा बाट सुरु भए लगतै गत मे १४ मा कोरियाको ख्वांग्जुमा पहिलो पटक उद्घाटन संगै साकेला पर्ब मनाईएको थियो। निशुल्क प्रवेश रहेको यस कार्यक्रममा साकेला सम्बन्धि गीत- नाच साथै अन्य मनोरन्जनात्मक कार्यक्रम, किरात राईहरुको मौलिक स्वादिस्ट खानाका परिकारहरुको निशुल्क ब्यवस्था गरिनेछ । उक्त दिन दक्षिण कोरियामा रहेका सम्पूर्ण किराँती तथा गैर किराँतीहरु, बिभिन्न संघ संस्था लगायत सम्पूर्ण नेपालीहरु आफ्नो भेष भुषामा उपस्थित भै कार्यक्रम सफल बनाईदिन को लागि आयोजक ले हार्दिक अनुरोध गरेका छन्।

कार्यक्रम तालिका:

बुसान:
स्थान – 사상 삼락 공원 부산
मिति -२८ मे २०१७ आईतबार
समय – दिनको ठिक 12 बजे बाट

जाने तरिका – सासाङ बाट किमे जादा भेटिने 괘법 르네시떼 स्टेसनबाट पैदल हिडेर आकाशे पुल हुँदै पुलको अन्तिमबाट ओर्लिने ( 괘법 르네시떼 स्टेसन मा सहयोगको लागि आयोजकका स्वयमसेवकहरु हुनेछन)

सम्पर्क –
रबिन राई (1029136772)
आनन्द राई 부산 ( 010-721-77465)
मिलन किराती 대구 ( 010-216-37613)
दोस्तिहांग राई: 01048332607

मिना राई 사상 (010 55435004)

सौल तालिका:

मिति: – ०४ , जुन, २०१७ आईतबार
स्थान:- सङ्गुइन ग्रीन पार्क,तोङ्ग्देमुन (ब्याडमिन्टोन ग्राउण्ड डाँडा, २०१६ मा साकेला नाँचेको ठाउ)
समय – दिनको ठिक १२ बजे बाट
जाने तरिका : तुन्देमुन को ३ नम्बर गेट र दोंफ्योआफ ९ नम्बर गेट बाट बाटो देखाइने छ।

सम्पर्क:
बालकृष्ण बान्तवा: ०१०६४६३३४५२

दिपक राई:010-6627-2353

पदम राई:010-5957-9741