मर्सका कारण दाश्रो माछापुच्छ्रे रनिङ कप स्थगित
फोनिज कोरिया संवाददाता
सोल-कास्की परिवार कोरियाद्वारा जुन २१ आइतबारका दिन आयोजना गर्न लागिएको दाश्रो माछापुच्छ्रे रनिङ कप स्थगित हुने भएको छ ।
कोरियामा फैलिएको प्राण घातक रोग मर्सका कारण दैनिक जनजीवन अत्यन्तै कष्टप्रद बन्दै गएपछि सो कप स्थगित गरिएको हो ।
मर्सका कारण अवस्था जटिल बन्दै गएपछि सोलस्थित नेपाली राजदूतावासले नेपाली समुदायलाई सजग सहन आग्रह गरेको सन्दर्भमा उक्त कप स्थगित गरिएको आयोजकले जनाएको छ |
कार्यक्रमको विभिन्न चरणको कार्यहरु पूरा गरिसकेको र अन्तिम चरणको कार्य पनि तिब्र रुपमा तयारी भइरहेको अवस्थामा बाध्य भएर कार्यक्रम स्थगित गर्नुपरेको जानकारी कार्यालय सचिवालयले जनाएको छ । यसबाट कोरियामा सकृय संघ-संस्था र जनसमुदायमा पर्न गएको असर प्रती कास्की परिवारले क्षमा याचना गर्दै सम्पुर्ण नेपाली समुदायमा यो अति प्राण घातक महामारी रोगप्रती सजग र सचेत रहन पनि अनुरोध गरेको छ ।
(नोट- दोश्रो माछापुच्छ्रे रनिङ कप संबंधित विभिन्न संघ-संस्था, भलिबल सम्बन्धि निर्णायक मन्डल र आयोजक संस्था बिच बिबिध विषयमा छलफल गर्नको लागि राखिएको बैठक पनि स्थगित गरिएको यसै सुचना मार्फत जानकारी गराएको छ ।)
