जुलाई २९ मा नेपकोर बेलुन पार्टी हुँदै
आगामी जुलाई २९ तारिख कोरियाको मा नेपकोर बेलुन पार्टी हुने भएको छ । यस अघि दुई वटा सफल कार्यक्रम गरेर कोरियामा रहेका नेपाली युवायुवतीलाई नौलो सांगीतिक स्वाद चखाउदै आएको नेपकोरले फेरी अर्को नयाँ कार्यक्रमको आयोजना गर्न लागेको हो ।
कोरियामा गर्मी बिदाको अवसरमा पारेर नेपकोरले बेग्लै खालको बेलुन पार्टीको आयोजना गर्ने घोषणा गरेको हो । कोरियामा नेपालीहरुको उलेख्य जमघट हुने स्थान सौलको दोङ्देमूनको हिस्ट्री एण्ड कल्चरल पार्क नजिकैको न्यू छोंजी होटलमा आयोजना हुनेछ । सो होटलमा यस अघि नेपकोरले ट्यान्क टप डान्स र मास्क पार्टीको आयोजना गरेको थियो । कार्यक्रम हल बेलुनको सजावट सहित बेलुन रेन ड्र्पको मजा लिदै भिन्न खालको बेलुन पार्टी को मजा लिन सकिने आयोजक नेपकोरले बताएको छ ।
कोरियामा रहेका स्थानिय नेपाली कलाकारहरु रहने उक्त बेलुन पार्टीमा DJ Notty र DJ Ave को साथमा सुमित तामाङ -a.k.a. hakuna matata, स्निका थापामगर , नाम्दुङ -ए को प्रस्तुती र सुमी एन्ड सुनु को लाइभ डान्स हुनेछ । बिगतका कार्यक्रम बाट संकलित बचत रकम कोरियामा विभिन्न पीडित ब्यक्तिहरुलाई सहयोग साथै रचनात्मक कार्यक्रममा खर्च गरेर समाजसेवामा पनि अग्रसर नेपकोर समुहले आगामी दिनमा पनि निरन्तरता दिने कुरा बताएको छ ।
