दक्षिण कोरियाको लागी नवनियुक्त्त राजदूतको स्वागत तथा सम्मान कार्यक्रम सम्पन्न
गत आइतबार दक्षिण कोरियाका लागि नवनियुक्त राजदुत अर्जुन जंगबहादुर सिंहलाई कोरियाको बिभिन्न संघ संस्थाले स्वागत तथा सम्मान गरेको छ । सउलको नेपाल गुम्वा सो कार्यक्रम सम्पन्न भएको थियो ।
कार्यक्रमको सुरुवात गुम्वाका प्रमुख लामा कुन्साङ दोर्जेले भगवान बुद्धको वचन प्रज्ञा पारमिता शुत्रहरू (ग्यातोंपा र दोमङ ) पाठगर्दै छोग् पूजा गरि १०८ मार्मेमा दिप प्रजल्वन गरेका थिए । सो कार्यक्रममा कोरियामा विभिन्न सामाजिक कार्य गर्ने संघसंस्थाहरु नेपाल बौद्ध परिवार, ह्योल्मो सम्पर्क समिति, मनाङ परिवार, मुस्ताङ परिवार, नेपाल तामाङ संघ, तमु धिं, नेवाः पुच, शेर्पा संघ, नागर्जुन गुम्वा, तामाङ बौद्ध महांसघ लगाएतका संस्थाहरु रहेका थिए ।
सो अबसरमा बोल्दै राजदूत सिंहले अयोजकलाई धन्यबाद दिएका थिए । साथै आगामी दिनमा राजदूतवासले दक्षिण कोरियामा रहेका नेपालीका समस्यालाई समाधान गर्न सहयोगमा कुनै कमी हुन नदिने प्रतिबद्धता ब्यक्त गरेका थिए । साथै राजदूतवासद्वारा जुलाई १६ मा आयोजना गर्न लागेको अन्तर्कृया कार्यक्रममा उपस्थितिको समेत सबैलाई आग्रह गरेका थिए ।
