कोरियामा राजदूत सिंहले मंगलबार ओहदा बुझाउदै इपिएस कोटा बढाउन अनुरोध गरे
सोल
दक्षिण कोरियाका राजदूत अर्जुन जंगबहादुर सिंहले आफ्नो ओहदाको प्रमाणपत्र मंगलबार कोरियाली राष्ट्रपति मुन जे इनलाई बुझाएका छन् । सोलको छङह्वा दे (ब्लु हाउस) स्थित राष्ट्रपति कार्यलयमा आयोजित कार्यक्रममा राजदूत सिंहले ओहदाको प्रमाणपत्र बुझाएको दूताबासले जनाएको छ ।
दूताबासद्धारा जारी विज्ञप्तीमा उल्लेख गरे अनुसार राजदूत सिंहले इपिएस कामदार बृद्धी गर्न राष्ट्रपति मुनलाई विषेश अनुरोध गरे । उहाँले कोरियाले नेपालका विभिन्न क्षेत्रमा सहयोग पुराएकोमा धन्यवाद सहित विषेश गरी उर्जा क्षेत्रमा कोरियन लगानी भित्राउन आग्रह गरे । राजदूत सिंहले आपसी सहयोगमा दुई देशको मैत्रिपुर्ण सम्बन्धलाई अझ बृद्धी गर्न उत्साहित रहेको भन्दै राष्ट्रपतिलाई स्वागत गर्न नेपालीहरु आतुर रहेको धारणा राखे । उहाले नेपालका राष्ट्रपति विधादेवि भण्डारी र प्रधानमन्त्री शेर बहादुर देउवा लगायत नेपालको वर्तमान अवस्था बारे जानकारी गराएका थिए ।
भेटमा राष्ट्रपति मुनले गत बर्ष नेपालको नुवाकोट जिल्ला भ्रमण गरेको स्मरण गर्दै भुकम्पीय क्षतिको पुननिमार्णमा विषेश चासो राखेका थिए । नेपाल र नेपालीहरुको मयाले आफू अनुग्रहित भएको बताउदै कोरियामा नेपाली इपिएस कामदारले इमानदार र अनुसाशित भई कडा मेहनत गरिरहेको प्रसंशा समेत गरेका थिए ।
कोरियाको विदेश मन्त्री खाङ ग्यांग ह्वाको समेत उपस्थितीमा आयोजित कार्यक्रममा कोरियाका राष्ट्रपति मुनले नेपाल लगायत पाँच देशका नव नियुक्त राजदूतहरुको ओहदाको प्रमाणपत्र बुझेका थिए । जसमा उजवेकस्थान, पाकिस्थान, इन्डोनेसिया र मेक्सीका राजदूतहरु रहेका थिए । अन्य देशका राजदूतलाईभन्दा नेपाललाई बढी समय दिएका राष्ट्रपति मुन नेपाल भ्रमणप्रति सकारात्मक रहेको राजदूत सिंहले बताए ।
कोरिया आएका एक महिनापछि राजदूत सिंहले ओहदा बुझाएका हुन् । कोरियमा एकै पटकमा चार देशका नयाँ राजदूतहरुको ओहदा बुझ्ने नीति भएकाले ढिला हुन गएको हो । मंगलबार राष्ट्रपति भवनमा दूताबासका उपनियोग किरण शाक्य , दितीय सचिव उद्धब न्युपाने र राजदूत सिंह पत्नी महेश्वरी सिंह र छोरीको सहभागिता रहेको थियो ।
