कोरियाका गीतकार र संगीतकारको गीतले लोकप्रियाता बटुल्दै
दक्षिण कोरियामा रहेका उत्तम खजुमको रचना र डिआर अटुको संगीतमा सजिएको “भुल्न खोजे गाडा भयौ ” बोलको गीतले लोकप्रियताको सिडी उक्दै छ । चर्चित गायक प्रमोद खरेलको स्वरमा गुञ्जिएको सो गीत म्युजिक भिडियो सार्वजनिक भएपछि दर्शक र स्रोताले निकै मन पराउन थालेका छन् ।
मेरो अनलाइन टिभी युट्युब च्यानलमार्फत सार्वजनिक भिडियोले दर्शक र श्रोताको साथ पाएको छ । गीतकार खजुम र गायक खरेलको यो पहिलो सांगीतिक सहकार्य हो । गीतकार खजुम भन्छन्, ‘प्रमोद दाइको स्वरको म फ्यान नै हुँ । उहाँसँग पहिलेदेखि नै काम गर्ने इच्छा थियो । अहिले पूरा भएको छ, म खुशी छु ।’
उत्तमको ‘अदम्य’ एल्बमभित्र रहेको गीतको यस भिडियोमा पुष्पल खड्का, शिल्पा पोखरेल र विजयराज खत्रीको अभिनय छ । गीतमा डीआर अटुको संगीत छ भने एरेन्ज देवेन्द्र नेवाले गरेका हुन् ।
भिडियोलाई जीवन शाहीले निर्देशन गरेका हुन् । उत्सव दाहालले छायांकन गरेको भिडियो अर्जुन पोखरेलले सम्पादन गरेका हुन् ।
