अमेरिकामा धरान सोसाईटी युसएको स्थापना
अमेरिका,
पूर्बि नेपालको शुन्दर शहरी धरानका युवा जमातले अमेरिका र धरान बीचको सम्बन्ध र सम्पर्क बिस्तार गर्ने उदेश्यले ” धरान सोसाईटी युसए” को बिधिवतरूपमा स्थापना गरेको छ । तेज कुमार लिम्बू तुम्बाहाम्फेको संयोजकत्वमा भएको एक भेलाले ११ सदस्यीय तदर्थ समितिको छनौट गरेको हो । समितिका अन्य पदिधिकारी तथा सदस्यहरूमा उपाध्यक्ष बिमल गुरूङ, सचिब हेमेन्द्र गुरूङ, सह सचिब बिकास राई, कोषाध्यक्ष सुदन श्रेष्ठ रहेका छन् भने सदस्यहरूमा बिष्णु कुमार चोङबाङ, टासी शेर्पा, रंजिप राई, वाराकहाङ लिम्बू, संतोष मेक्तान, संजित मुखीया रहेका छन् ।
सोही बमोजिम सँस्थाका सल्लाहकारमा गणेश शेर्पा र काजि शेर्पा रहेका छन् । समितिले धराने समुहलाई अमेरिकामा एकता र भाइचाराको अभिबृदि गर्ने, नव आगन्तुक तथा आपतबिपतमा सरसहयोग गर्ने, समग्र धरानको बिकासमा सहयोग पुर्याउने उदेश्यले परियोजना तय गर्ने तथा अमेरिकाबासी धरानेहरूको सम्पतिलाई कसरी प्रभीबकारी तवरमा सामूहिक लगानि गर्ने भन्ने सम्बन्धमा खोजि गर्ने जस्ता उदेश्यहरू रहेका छन् । यसका अलावा समितिको बैठकले आबश्यकताको पहिचान गरेर सँस्थालाई अघि बढाउन बिभिन्न अवधारणाहरू अघि सार्ने छन् ।
