कोरियामा “नेपाल कप ” फुटबल टुर्नामेन्ट गरिने
सोल,
नेपाल फुटबल महासँघ दक्षिण कोरियाले कोरियनहरुको महान पर्व छुसकको अवसरमा अक्टोबर ५ तारिक बृहत नेपाली फुटबल महामेला आयोजना गरी नेपाल कप फुटबल टुर्नामेन्ट २०१७ गर्ने भएकोछ।
महासँघको अध्यक्ष श्री कृष्ण गुरुङ ९ ब्रो०० को अध्यक्षतामा सउलमा सम्पन्न बैठकले महासँघमा आबद्ध समस्त फुटबल क्लबहरुका प्रतिनिधिहरुको उपस्थितिमा उक्त निर्णय गरीएको हो । ‘प्रवासी भुमिमा नेपाली फुटबल प्रेमीहरुको एकता र बिकासको आवस्यकता‘ भन्ने मुल नाराका साथ फुटबल बिकास अक्षयकोष निर्माण सहयोगार्थ सो टुर्नामेन्ट गर्न लागेको महासंघले जनाएको छ । सो नेपाली फुटबल महामेलामा अन्तर्राष्ट्रिय नेपाली फुटबल खेलाडीहरुको पनि आतिथ्यता रहने महासँघले थपेको छ।
कोरियामा विभिन्न क्षेत्रमा छरिएर रहेका सम्पुर्ण नेपाली फुटबल क्लबहरुलाई एकताको शुत्रमा गासि फुटबल खेलको माध्यमबाट सर्वोच्च शिखर सगरमाथा र शान्तिका अग्रदुत भगवान गौतम बुद्ध जन्मेको भुमि नेपाल भनी परिचित गराउदै नेपालीहरु माझ भाईचारा, मेलमिलाप, सद्भाव, सहयोग र आत्मियता बढाउदै लैजाने हेतुका साथ नेपाल फुटबल महासँघ दक्षिण कोरियाले बृहत नेपाली फुटबल महामेला आयोजना गर्न लागेको हो । फुटबल महामेलालाई सभ्य ,भब्य र ब्यावस्थित तरिकाले सम्पन्न गर्नको लागि विभिन्न प्रारम्भिक समिति र उप समिति गठन गरिएको सचिव राज कुमार गोलेले जानकारी गराए ।
सोही अवसरमा विभिन्न ब्यक्तिगत उत्कृष्ट बिधाहरुमा पनि पुरस्कृत गरिने र महासँघमा आबद्ध समस्त फुटबल क्लबहरुको सहमतिमा पुरस्कार राशी निर्धारण गरिने पनि महासँघले जनाएको छ ।साथै फुटबल महामेलाको प्राङ्गणमा विभिन्न स्वादिष्ट नेपाली परिकारहरु र पेय पदार्थहरुका साथमा विभिन्न मनोरञ्जनात्मक खेलहरु पनि प्रदर्शन गरिनेछ।
खेल सम्बन्धि जानकारी
मिति – २०१७ अक्टोबर ०५ तारिख
समय – बिहान ७ बजे
स्थान – दोङ्गदोचन फुटबल सेन्टर
आयोजक – नेपाल फुटबल महासँघ दक्षिण कोरिया
