कोरियाका नेपाली कामदारलाई बैंकिइ० कारोबार गर्न सरकारी सूचना जारी
काठमाण्डौ
दक्षिण कोरियामा कार्यरत नेपाली कामदारलाई बैंकबाट रकम पठाउन नेपाल सरकारले सूचना जारी गरेको छ । २०१८ सालको जनवारी १ तारिखबाट लागु हुने गरी सो सूचना जारी गरिएको इपिएस कोरिया शाखा ग्वार्कोले जनाएको छ ।
इपिएस कोरिया शाखामा प्रकाशित सूचना अनुसार बैकबाट रकम पठाएको प्रमाण देखाएपछि मात्रै कोरिया पुन प्रवेश गर्ने श्रम स्वीकृती दिने छ । यदी बैकं कारोबारको प्रमाण पेश गर्न नसके श्रम स्विकृती नपाउने सूचनामा उल्लेख गरिएको छ ।
कोरियामा काम गरी कार्यअवधि सकेर नेपाल फर्केपछि पुन कोरिया आउन सोही कम्पनीमा प्रतिबद्ध कामदार , सिविटी र पिविटी परिक्षा दिएका कामदारले जनवरी १ तारिखबाट श्रम स्विकृती लिदा सो नियम लागु पालना गरिनुपर्ने जनाइएको छ ।
इपिएस कोरिया शाखामा प्रकाशित सूचना निम्न अनुसार रहेको छ ।
बैङ्किङ् च्यानलबाट रकम पठाउने सम्बन्धी सूचना ।
नेपाल सरकार
श्रम तथा रोजगार मन्त्रालय
वैदेशिक रोजगार विभाग
ई.पी.एस. कोरिया शाखा
ग्वार्को,ललितपुर ।
वैदेशिक रोजगारका लागि दक्षिण कोरिया गएका नेपाली नागरिकहरुलाई बिप्रेषण पठाउने सम्बन्धी अत्यन्त जरुरी
सूचना !!
मिति:- २०७४।०४।३०
वैदेशिक रोजगारमा गएका नेपाली नागरिकहरुले सम्बन्धित मुलुकहरुमा आफुले आर्जन गरेको रकम औपचारीक माध्यमबाट स्वदेश नपठाउदा जे जति वैदेशिक मुद्रा राष्ट्रिय अर्थतन्त्रमा प्रवाहित हुनु पर्ने हो, सो हुन सकिरहेको छैन । विदेशमा आर्जित रकम बैङ्किङ् वा यस्तै औपचारीक माध्यमबाट स्वदेश भित्र्याउन सकेमा मात्र विदेशी मुद्रा राष्ट्रिय अर्थतन्त्रमा समावेश हुने, प्रेसित बिप्रेषणको सुरक्षा हुने, विदेशी मुद्राको नियमनमा सघाउ पुग्ने र ब्यक्तिको आर्जित रकम सुरक्षित हुने भएकोले रोजगार अनुमति प्रणाली अन्तर्गत दक्षिण कोरिया जाने नेपाली नागरीकहरुले तहाँ आर्जन गरेको मुद्रा बैङ्किङ् च्यानलबाट नेपाल पठाउन सूचित गरिन्छ ।
वैदेशिक रोजगारमा गई विदामा फर्किएका वा प्रतिबध्द (Committed) भै आएका वा सि.बि.टि. वा पि.बि.टि. परीक्षा दिएर पुन कोरिया जाने नेपाली नागरिकहरुले सन् २०१८ जनवरी १ देखि पुन श्रम स्विकृती लिदा बैङ्किङ् च्यानलबाट रकम पठाएको प्रमाण पेश गर्नु पर्ने छ । त्यस्तो प्रमाण पेश गर्न नसक्ने ब्यक्तिहरुको श्रम स्विकृती जारी नहुने तथा वैदेशिक रोजगारमा जान नसक्ने ब्यहोरा सम्बन्धित सबैको जानकारीका लागि यो सूचना प्रकाशन गरीएको छ ।
