एनआरएन कोरियाको सदस्यमा नर कुमार गुरुङले उम्मेदवारी दिने
यतिबेला कोरियाको माहोल चुनावमय बनिरहेको छ । गैरआवासिय नेपाली संघ कोरियाको अधिवेशनको दिन जति नजिकिदैं छ उम्मेदवारीहरुको लर्को पनि त्यसरी नै बढीरहेको छ । सेप्टेम्बर ९ र १० मा हुन गैरहेको अधिवेशनमा विभिन्न पदहरुमा उम्मेदवारी घोषणा भैरहेका बेला स्याङ्जाका नर कुमार गुरुङ ( कुमार गुरुङ ) ले स्वतन्त्र रुपमा सदस्य पदको लागि उम्मेदवारी दिने घोषणा गर्नुभएको छ ।
फोनिजकोरियामार्फत उम्मेदवारी घोषणा गर्दै गुरुङले आफ्नो उम्मेदवारी ईपीएस कामदारहरुमा बढ्दो समस्याहरुलाई यथोचित ढंगबाट समाधान गर्न र एनआरएनमा युवाहरुको पहुँच बढाउन रहेको बताउनुभयो । ईपीएस मार्फत सन् २००८ मा कोरिया आएका गुरुङ कोरियाको विभिन्न संघसंस्थाहरुमा आवद्ध रहेर समाजसेवामा सक्रिय छन ।
हरेक समस्याहरुको समाधान खोजिनुपर्छ भन्ने मान्यता राख्ने जुझारु, मिलनसार र सहयोगी मनका धनी गुरुङ स्याङ्जा भिरकोट आर्थर तमु समाज दक्षिण कोरियाका संस्थापक अध्यक्ष हुन ।
