न्यूयोर्कमा नेपाल आदिवासी चलचित्र महोत्सव आइतबार सम्पन्न हुँदै
न्युयोर्कमा पहिलो पटक नेपाल आदिवासी चलचित्र महोत्सव शुरु भएको छ । २३ औं विश्व आदिवासी दिवसको अवसरमा नेपाल आदिवासी जनजाति महासंघ अमेरिका फिप्नाले पहिलोपटक महोत्सव आयोजना गरेको हो । न्यूयोर्कको गुल्सन टेरेसमा शुरु महोत्सवले, नेपालका आदिवासी जनजातिको भाषा, कला, संस्कृति, परम्परा र भेषभूषालाई अन्तर्रा्ष्ट्रियकरण गर्नका लागि अमेरिकामा आदिवासी चलचित्र महोत्सव २०१७ आयोजना गरिएको फिप्नाले जनाएको छ । फिप्नाका अध्यक्ष लुइसाङ वाइवा तामाङले, यो प्रथम एैतिहासिक महोत्सवले, आदिवासी साँस्कृति पहिचानका साथै नेपालको पर्यटनको प्रवद्र्धन गर्नु रहेको बताउनुभयो । आदिवासी जनजातिको आन्दोलन नागरिक आन्दोलन भएको भन्दै उहाँले, चलचित्र मार्फत साँस्कृति अधिकारलाई सुनिश्चित गराउने विश्वास व्यक्त गर्नुभयो ।
अमेरिकामा बसोबास गरिरहेका नेपालका आदिवासीहरुको सुचिकृत प्रमाणित दस्तावेज महावाणिज्यदुवास मार्फत माग गर्दै उहाँले, अमेरिकामा आदिवासीहरुले पाइरहेको अधिकारलाई माइनोरिटी अधिकार मार्फत यहाँ बसोबास गर्ने नेपाली आदिवासी उपलब्ध गराउने प्रतिवद्धता व्यक्त गर्नुभयो । महोत्सवको उदघाटन सत्रमा बोल्दै महावाणिज्यदुत मधु मरासिनीले, जनजातिको सवालमा आफु सकारात्मक रहेको भन्दै महोत्सवको सफलताको शुभकामना व्यक्त गर्नुभयो ।
महोत्सवका संयोजक मणि वाङदेलले, मूलधारको चलचित्रबाट ओझेलमा परेका आदिवासी जनजातिका कथावस्तुमा आधारित चलचित्रहरुको अन्तर्रा्ष्ट्रियस्तरमा प्रबद्र्धन गर्न महोत्सव आयोजना गरिएको बताउनुभयो । आदिवासी जनजातिको परम्परागत शैलीमा बनाइएका चलचित्रहरुको माध्यमबाट उनीहरुको परम्परा, भेषभुषा, भाषा, कला, संस्कृतिलाई जगेर्ना गर्ने सहयोग पुग्ने वाङदेलको भनाइ छ । यसैबीच, डेमोक्रेटिक पार्टीका प्रतिनिधी मेरी सिल्भरले, आदिवासीका सवालमा बनाइएका चलचित्रले संस्कृति जगेर्ना गरेको भन्दै महोत्सवको सफलताको लागि शुभकामना व्यक्त गर्नुभयो ।
त्यस्तै, फिप्नाका जातिय संस्थाका विभिन्न प्रतिनिधीहरुले महोत्सवको सफलताको लागि शुभकामना व्यक्त गर्नुभयो । महोत्सवको पहिलो दिन आज, मुगालको ‘फेके’, राइ भाषाको पुवालो, नेवार भाषाको कल्ली, गुरुङ भाषाको ‘कर्म क्या’ प्रदर्शन गरियो । महोत्सवमा, सन २०१७ मा आयोजित आदिवासी जनजाति चलचित्र महोत्सवमा पब्लिक चोईस अवार्ड जितेको थियो । आज शुरु चलचित्र महोत्सव अगस्ट २७ सम्म तीन दिन चल्ने छ । महोत्सवमा चलचित्र र लघु चलचित्र गरि एघार चलचित्र प्रर्दशन गरिने छ । गुरुङ भाषाको ‘मैंरिमो, मगर भाषाको ‘लोम्बा, र , नेवारी चलचित्र ‘कृषा गौतमी’ आज प्रर्दशन गरिने छ ।
त्यसैगरी, राई भाषाको ‘सुम्निमा, तामाङ भाषी चलचित्र ‘सेम ताबा म्ही, र लिम्बु भाषाको ‘हेलुक्वा मुस्ताङी चलचित्र ‘शेरढाक’ भोली आइतबार देखाइने छ । महोत्सवमा विभिन्न एघार वटा विधामा उत्कृष्ट हुनेलाई नगद पुरुस्कार र सम्मानस्वरुप प्रमाणपत्र प्रदान गरिनेछ । उत्कृष्ट चलचित्रलाई एक लाख नगद, ट्रफी सहित प्रमाणपत्र दिइने छ । कार्यक्रमलाई भव्य र सभ्य रुपमा सफल बनाउनका लागि फिप्नाका अध्यक्ष लुइसाङ वाइवाले फिप्नाका सबै जातिय सदस्य संस्थाहरु लगायत सबैलाई सहयोगका लागि अनुरोध गर्नुभएको छ । चलचित्र महासंघ (फिन्फी) र ईन्डिजिनियस फिल्मस् अकाईभ (आईफा) सह–आयोजक रहेको महोत्सवमा नेपाली महावाणिज्य दूतावास, न्यूयोर्क र नेपाल चलचित्र विकास बोर्ड बिशेष सहयोगी संस्था रहने फिप्नाले जनाएको छ । कार्यक्रम पत्रकार तथा महोत्सव संयोजक मच्छे गुरुङले संचालन गरेको थियो ।
