एनआरएन कोरियाको सदस्यमा अंशुबर्मा लिम्बूको उमेदबारी घोषणा
आगामी सेप्टेम्बर महिनाको 9 र 10 मा हुन गईरहेकोले एनआरएन कोरियाको छैटौँ अधिबेशनमा अंशुबर्मा लिम्बूले सदस्य पदमा उमेदबारी घोषणा गरेका छन्। बुसान, गजे किम्हे ग्यङ्नाम क्षेत्रको प्रतिनिधित्व गर्दै उनले आफ्नो उमेदबारी घोषणा गरेका हुन।
NRNA गैरसरकारी संस्था भएकोले यसको आफ्नै मुल्य मान्यता रहेको भन्दै संबैधानिक परिभाषासंग तुलना गर्न नहुने उनले बताए । NRNA नेपालको संबैधानिक व्यवस्था अनुसार गठन नभएको प्रवासी नेपालीहरुले आवश्यकता महसुस गरेर गठन भएको जिकिर गरे । आफू नेपालको संबैधानिक परिभाषा अनुसार गैर आवासीय नेपाली नभएको तर NRNA को परिभाषा अनुसार आफू योग्य भएको भन्दै सामाजिक संजालमा आएको भ्रमको खण्डन गर्दै भने ” गैर आवासीय नेपाली संघ प्रवास मा आफै गैरसरकारी संस्था हो ,केही मित्रहरू नेपाली राजदुतावासको तथ्यांक प्रस्तुत गरेर चर्को तर्क गर्नु हुन्छ।
यसैगरी उनले आउने महाधिवेशनमा निर्वाचन भन्दा पनि क्षेत्रीय सहभागितालाई स्विकार्दै समावेशी कमिटी चयन गर्दा कार्यसमिति बलियो हुने विचार व्यक्त गरे ।यदि निर्वाचन भइ हालेमा आफूहरु संग निर्णायक मत रहेको भन्दै जसले क्षेत्रीय मागलाई सम्बोधन गर्छ उसैको पक्षमा मतदान गर्ने बताए। NRNA ले संसार भरी छरिएर रहेका नेपालीहरुको भावनाको प्रतिनिधित्व गर्ने हुनाले यो संस्थालाई राजनीतिक विरासत थाम्ने ,र मर्यादा प्रदर्शन गर्ने माध्यम बनाउन नहुने बताउदै उनले भने” सबैले निहित स्वार्थ भन्दा माथी उठेर यो संस्थालाई लोककल्याणकारी संस्थाको रूपमा स्थापित गरिनु पर्छ।”
उनले एन आर एन कोरियालाई मजदुर मैत्री र लोक कल्याणकारी संस्था बनाउने,सस्तो लोकप्रियता र प्रचारमुखी समाज सेवाबाट माथि उठेर ब्याबहारिक र परिणाम मुखि सेवा गर्ने बताउदै उनले भने “समाज सेवा चर्चाका लागि हुनु हुदैन ब्याबहारिक रूपमा उदेश्य प्राप्तिमा केन्द्रित हुनुपर्छ , यसका साथै कुनै पार्टीगत र जातीगत संगठनको प्रतिनिधि नभई क्षेत्रिय अपनत्वको बिषयमा जोडदार आवाज उठाउने बाताउदै सबैलाई संकीर्ण मानसिकता त्याग्न आग्रह गर्दै भने “हिजोआज सानोतिनो कुरा हरु पनि जातीयता र राष्ट्रियता संग जोडिन्छ । यस्ता मानसिकताले हामिमा आत्मीय सद्भाव खलबलिन्छ जुनसुकै क्षेत्र को जुनसुकै जात को भए पनि उ नेपाली हो भन्ने सबैले मनन गर्नुपर्छ ,र कोरिया को सन्दर्भमा NRNA कोरिया ले क्षेत्रीय अपनत्वलाई स्वीकार गर्नुपर्छ विभिन्न क्षेत्र बाट योगदान पुर्याएकाहरु समितिमा समेटिनु पर्छ”!
धेरै सामाजिक संघ संस्थामा आवद्ध अंशुबर्मा लिम्बू कोरियाको लोकप्रिय सामाजिक संस्था “डेउ नेपाली एकता समाज” का अध्यक्ष समेत हुन। उनी नेतृत्वको संस्थाले कोरियामा विभिन्न सामाजिक कार्य हरु गर्दै नेपालमा समेत प्रसंसनिय कार्यहरु गरिसकेको छ। उनी एक निष्ठावान सामाजिक अभियानता का रुपमा चिनिन्छन्।
