स्व. पोमबहादुर गुरुङ स्मृति कप भलिबल प्रतियोगिताको टाईसिट सेप्टेम्बर १७ मा हुने
सोल ।
प्रवासी भुमिमा एकता नै हाम्रो साहारा हो भन्ने मुल नाराका साथ अन्नपूर्ण दुधपोखरी समाज दक्षिण कोरियाको आयोजनामा हुन लागेको ” स्व. पोम बहादुर स्मृति कप २०१७ ” भलिबल प्रतियोगिताको टाईसिट सार्वजनिक तथा टिम दर्ता आउँदो आइतबार सेप्टेम्बर १७ मा हुने भएको छ । समाजले सूचना जारी गरि उक्त जानकारी दिएको हो ।
नेपाल कोरिया भलिबल संघको मातहतमा रहेर सिजनकै अन्तिम भलिबल प्रतियोगिता आयोजना गर्ने मौका पाएको अन्नपूर्ण दुधपोखरी समाजले अक्टोबर ३ तरिखमा हुने प्रतियोगिताको तयारी अगाडि बढाईसकेको र कोरियाको महान पर्व छुसकको बिदाको बेला पर्ने भएकोले उल्लेख्य दर्शकको उपस्थित रहने खेलकुद संयोजक गोलमान गुरुङले जानकारी दिए । सेप्टेम्बर १७ तारिखमा नेपाल हाउस सिन्सलदोङमा हुने टिम दर्ता तथा टाईसिटमा सम्पुर्ण सहभागी टिमहरुले समयमै उपस्थित भैदिन समाजले सबैमा आग्रह गरेको छ ।
मिति :- २०१७-०९-१७
समय:- बिहान ११ बजे
स्थान :- सिन्सलदोङ्ग ( नेपाल हाउस )
