लाखे नाच र दोहोरी गित संगै माम्फ कार्यक्रममा नेपालीहरुले गरे यस्तो तयारी

कोरिया – माईग्रेन्ट आरिराङ मल्टीकल्चरल फेस्टीवल ( माम्फ) को यसपाली पनी भब्य तयारी भएको छ । कोरियाको ख्यङसाननाम्दो अन्तर्गत छाङवन शहरको योङजी पार्कमा यही २९ सेप्टेम्वरबाट १ अक्टोवरसम्म यो कार्यक्रम हुनेभएको हो । ख्यङनाम माईग्रेन्ट सेन्टरको सहकार्यमा ३ दिन सम्म हुने उक्त कार्यक्रममा १५ राष्ट्र भन्दा बढी देशका आप्रवासी मजदुरहरु सहभागी हुने भएको छ ।

सहभागी भएका विभिन्न देशहरुको परम्परा र संस्कृतीको प्रदर्शनीबाट परिचय गराउने यस वहुसांस्कृतिक मेलामा विभिन्न देशका राजदुतहरुको सहभागीता हुनेगर्दछ भने यो पटक वंगलादेशका साँस्कृतिक मन्त्रीको टोली पाहुना अतिथीको रुपमा आउने भएको छ । नेपाली दुतावास कोरिया र नेपाल सरकारले प्रयास गरेमा आउने बर्षहरुमा नेपालबाट पनी यसरी नै अतिथी पाहुनाहरु झिकाउन सकिने आयोजक मध्येका एक यज्ञ राज सुवेदीले वताउनुभयो ।

प्रतेक वर्ष गरिने यस वहुसाँस्कृतिक महामेलामा सधैं झैं यसपटक पनी नेपालीहरुको निकै राम्रो तयारी र सहभागी रहेको जानकारी छ । सहभागी विभिन्न देशका आप्रवासीहरुले आ-आफ्नै तरिकाले तयारी र सहभागी गर्ने यस कार्यक्रममा नेपालीहरुले पनी विभिन्न जिम्मेवारीका साथमा कार्य विभाजन गरेर नै तयारीमा जुटीरहेका छन। कोरिया स्थित महामहिम राजदुत अर्जुन जंग बहादुर सिंहले समुद्दघाटन गर्ने नेपाली कार्यक्रममा लोक दोहोरी गायक रामजी खाँड र देवी घर्ती मगरको दोहोरी धमाका अनी चर्चित गायिका दीपा लामाले स्टेज तताउने बुझिएको छ ।

त्यस्तै गरेर स्थानीय नेपाली कलाकारहरुको प्रस्तुती अनी विक्रम राईको छुट्टै कला प्रदर्शनी पनी हेर्न पाईने भएको छ । सहभागी स्थानीय कलाकारहरुको प्रस्तुतीको आधारमा पुरस्कार समेत दिइने तयारी रहेको वताईएको छ । नेवारी समुदायमा प्रचलनमा रहेको नेपालकै चर्चित लाखे नाचको प्रदर्शन कोरियामा पहिलो पल्ट यसै कार्यक्रममा देखाइने भएको छ । लाखे नाच सम्बन्धी यही २४ तारिकमा रियल्सन समेत गरिने भएकोले अनुभवी ब्यक्तीहरुलाई सहभागी भएर सहयोग गरिदिनुहुन अनुरोध पनि आयोजकले गरेको छ ।

तेस्रो दिन ( आईतवार) हुने वहुसाँस्कृतिक परेडमा, लाखे नाच, दोहोरी गितका प्रस्तुतीहरु, विभिन्न नेपाली समुदायका भेषभुसा अनी पोशाकहरुको प्रस्तुती, साथै नेपाल र नेपालीहरुलाई परिचय दिने नेपाली पोशाकहरुको सहभागीता नै नेपालको तर्फबाट प्रदर्शनमा रहने भएकाछन् । प्रथम हुनेलाई करिब ५० लाख वन भन्दा वढी पुरस्कार रहेको उक्त वहुसाँस्कृतिक परेडमा गतशाल नेपाल तेस्रो भएको थियो । यसपाली पनी नेपालको आकर्षक र दम्दार प्रस्तुति रहने भएको छ ।

कार्यक्रमा विभिन्न देशको परिचय दिने स्टलहरु, खानाका प्रकारहरुको प्रदर्शनी देख्न र स्वाद लिन पनि पाईने छ । प्रतेक बर्ष यसरी नै गरिने अनी कोरिया कै ठुलो वहुसाँस्कृतिक मेला भनेर चिनिएको माम्फ महामेलामा नेपालीहरुको तर्फबाट कार्यविभाजनका साथमा यस्तो तयारी रहेको छ :-

माम्फ फेस्टिवल निर्देशक : यज्ञ राज सुवेदी

माम्फ फेस्टिवल संयोजक : भुवन कुमार वस्नेत

साँस्कृतिक झाँकी तयारी संयोजक : – सन्जिव राई – भिषण पुर्जा मगर – विविन्द्र राई

कलाकार व्यवस्थापक : हरि थपलिया – चन्द्र लामा अनुराग

स्वयंसेवक ब्यबस्थापक : अनिश गुरुङ ( किम्हे ) – सुवास थापा मगर( वुसान) – निरज पान्डे ( मिर्याङ )

बस ब्यबस्थापक : भुवन कुमार वस्नेत – हरि थपलिया

प्रचार- प्रसार ब्यबस्थापक : अशोक पोख्रेल – शिव भुषाल – राजेश श्रेष्ठ

* क्षेत्र संयोजकहरु :- * किम्हे ~ – प्रशान्त राज वानिया, 01068232444

-अनिश गुरुङ, 01068986139

-वेलमान थापा मगर, 01027664696

* वुसान ~ – संगित अधिकारी, 01086241977

– सुवास थापा मगर,01039467366

* हाम्यन/ छिन्जु ~ – नविन पुडासैनी,01022319199

– योगिता गौतम,01054758410

* थेगु ~ – अजय अर्याल,01056602250

– चन्द्र लामा अनुराग,01063442787

* याङसान ~ – सुजित घिसीङ, 01059481680

– नवराज वाग्ले, 01075981977

* सछाङ/ उङसान ~ – एल वि विष्ट,01068306852

– अशोक पोख्रेल, 01059500885

* हमान ~ – नारायण पौडेल, 01048332540

– टिका आचार्य, 01029717565

* गजेदो ~ – दिनेश पौडेल, 0105860440

– अंशुबर्मा लिम्बु,01059635373

कार्यक्रम स्थल सम्म आउन जान प्रतेक क्षेत्रहरुबाट बसको ब्यबस्था गरिएको आयोजकले वताएको छ भने क्षेत्रका संयोजकहरुबाट बस रहने स्थान र कार्यक्रमको बारेमा थप जानकारी लिन सकिने भएकोछ । कोरियाली भुमीमा समग्र नेपाल र नेपालीहरुको परिचय गराउने वहुसाँस्कृतिक प्रतिसप्रधात्मक कार्यक्रम भएकोले सम्पुर्ण नेपालीहरुलाई सहभागी भई नेपालको राम्रो परिचय दिनुहुन आयोजक मध्येका एक यज्ञ राज सुवेदीले सबैमा हार्दिक अनुरोध गर्दछु भन्नुभएको छ । सकेसम्म नेपाली पोशाकमा, अनुशासित तरिकाले सहभागीभई हामी नेपालीहरुको विशेष सहभागिता देखाउन नेपाली टिमका संयोजक भुवन कुमार वस्नेतले पनि सबैमा हार्दिक अपिल गर्नुभएको छ । नेपालीहरुको परिचय नेपालको शान, सबैको साथ र सहयोग रहोस कार्यक्रम सफलताको शुभकामना !