सउल नेपाली दूताबासले पाँच तारे होटलमा राष्ट्रिया तथा संविधान दिवस मनाए
फोनिजकोरिया संवाददाता
सोल
संविधान दिवसको पूर्व सन्ध्यामा सोमबार दक्षिण कोरिया स्थित नेपाली राजदूतावासले सउलको पाँच तारे होटल ग्रयान्ड हिल्टनमा एक कार्यक्रम गरी राष्ट्रिय तथा संविधान दिवस मनाएका छन् । दूताबास स्थापना भएदेखि पहिलो पटक यस्तो कार्यक्रम गरिएको उपनियोग प्रमुख किरण शाक्यले बताए ।
कुटनीतिक नियोगसंग घनिष्ठ सम्बन्ध राख्दै नेपालको छवी उच्च बनाउन अन्य दूताबासले जस्तै नेपालले पनि पहिलो पटक यस्तो कार्यक्रम गरेको शाक्यले थपे ।
परराष्ट्र मन्त्रालयका उप विदेश प्रमुखको प्रमुख आतिथ्य रहेकोे कार्यक्रममा विभिन्न कृटनीतिक नियोग, सरकारी प्रतिनिधी र विभिन्न दूतावासका प्रतिनिधीहरुको उपस्थिती रहेको थियो ।
रात्रिभोज सहित गरिएको कार्यक्रममा नेपाली समुदयबाट प्रतिनिधीको रुपमा गैर आवसिय नेपाली संघ (एनआरएनए), नेपाली सम्पर्क समिती (एनसिसी ), महिलाको लागि महिला , पत्रकार महासंघ, विभिन्न पार्टीका भातृ संगठन , प्रतिष्ठीत नेपाली, विद्यार्थि र केही व्यवसायीहरुलाई कार्यक्रममा निमन्त्रणा गरिएको थियो ।
२ सय ५० सिट क्षमताको हलमा करिब २ सय जतिको उपस्थिती रहेको र कार्यक्रम सफल भएको उप नियोग प्रमुख शाक्यले जानकारी दिए । गत वर्ष भने दूताबासले आफ्नै प्रागंनमा कोरियामा रहेका नेपालीहरुलाई आमन्त्रण गरी यो दिवस मनाएका थिए । तर यसपाली भने गोप्यरुपमा सिमित नेपालीहरुलाई निमन्त्रणा गरी खर्चिलो तरिकाले मनाएका छन् ।
