कोरियन क्वीज प्रतियोगितामा प्रथम स्थान हासिल गरी १ करोड वन जितिन मृनाल राईले
फोनिज कोरिया सम्बाददाता
सोल
दक्षिण कोरियाको परराष्ट्र मन्त्रालयले आयाजना गरेको अन्तराष्ट्रिय क्वीज प्रतियोगितामा नेपाली चेली मृनाल राईले प्रथम स्थान हासिल गरी एक करोड वन (लगभग रु. १० लाख ) जितेका छन् । सेम्टेम्बर १५ तारिख कोरियाको राजधानी सउल स्थित कोरियन ब्रोडकाष्टिइ० सिस्टम (केवीएस) टेलिभिजनको कार्यलयमा आयोजित प्रतियोगितामा २३ देशका प्रतियोगिहरुलाई उछिनेर राई प्रथम भएका हुन् ।
कोरियन सरकारले आयोजना गरेको सो छैठौ अन्तराष्ट्रिय क्वीज प्रतियोगितामा नेपालले भने यसपाली तेस्रो पटक सहभागिता जनाएका थिए । नेपालमा आयोजना गरिएको दुई चरणको प्रतियोगितामा उत्कृष्ठ भएपछि उनी कोरिया आएका थिए । सो क्वीज प्रतियोगिताको लागि हरेक देशमा चरणबद्ध प्रतियोगिता गरी उत्कृष्ठलाई कोरिया बोलाउने गरेका छन् ।
कोरियामा २३ देशका प्रतियोगिलाई तीन समूहमा विभाजन गरी ३ चरणमा प्रतियोगिता गराइएको थियो । साथै व्यक्तिगतरुपमा सिधा प्रश्न उत्तरको चरण पनि पार गरी उनी पहिलो स्थानमा पुगेका हुन् । प्रतियोगितामा कोरियाको खानपान, रहन सहन र संस्कृतीबारे प्रश्नहरु सोध्ने गर्छन् ।
हाल काठमाण्डौ स्थित एचआरडी कोरिया नेपाल इपिएस सेन्टरमा कार्यरत राई कोरियामा ६ वर्ष अध्ययन गरी नेपाल फर्केका हुन् । राईले KDI SCHOOL OF PUBLIC POLICY AND MANAGEMENT विश्वविद्यालयमा विकाश नीति बारे र हान्सङ् विश्वविद्यालयमा अंग्रेजी विषयमा अध्ययन गरेका थिए ।
सो क्वीज प्रतियोगितामा कम्बोडियाले दोस्रो स्थान हासिल गरी ५० लाख वन प्राप्त गरेका थिए। सो क्वीज प्रतियोगिता छुसकमा केविएस टेलिभिजनबाट प्रसारण गरिने राईले जनाए ।
