महासंघको नेतृत्वमा पवन चाम्लिङ
नेपाल आदिवासी जनजाति महासंघ दक्षिण कोरियाको पाँचौ अधिवेशनमा पवन चाम्लिङ राई अध्यक्ष पदमा निर्वाचित भएका छन् । कोरियामा रहेका विभिन्न जातिय संघसंस्थाका छाता संगठनका रुपमा रहेको नेपाल आदिवासी जनजाति महासंघ दक्षिण कोरियाको यही आइतबार , नोभेम्बर २६ तारिखमा सम्पन्न अधिवेशनले राईको नेत्तृत्वमा नयाँ कार्यसमितिको चयन गरेको हो । अघिल्लो कार्यकालका वरिष्ठ उपाध्यक्ष समेत रहेका चाम्लिङ अध्यक्ष पदमा सर्वसम्मत रुपमा चयन भएका हुन् ।
अधिवेशनले वरिष्ठ उपाध्यक्षमा मल्लिका थकाली, उपाध्यक्षमा गजेन्द्र शेर्मा र बाबुलाल मोक्तान, महासचिवमा केशाव दर्लामी मगर, सचिवमा युगेल तेन्डुप र चोइस किराती, कोषाध्यक्षमा अग्नि पान्धक(मिराक), सहकोषाध्यक्षमा बमबहादुर तामाङ रहेका छन् । त्यसैगरी सदस्यहरुमा गुरु निमा शेर्पा, युवराज राई, तुल चोचाङगी मगर, विपिन चौधरी, शिवशंकर महतो थारु रहेका छन् ।
सन् २०१३ मा कामको शिलशिलामा कोरिया आएका पवन चाम्लिङ आफ्नो काम संगै नेपाली समुदाय र नेपाली संघ संस्थामा सकृय रहेका छन । झापा मिलन समाजको उपाध्यक्ष, झापा एफसीको भरपर्दो खेलाडी ब्याबस्थापक हुदै फटबलमा कप्तानी सम्म सम्हालेका चाम्लिङे कोरियन क्लबबाट विभिन्न फुटबल प्रतियोगितामा सहभागी भएका छन । साथै किरात राई यायोक्खाको सल्लाहकार रहेका उनी थेजन नेपाली समाजको सचिव, हाम्रो जमर्को नेपाल दक्षिण कोरियाको उपाध्यक्ष, साथै नेपाल आदिबासी जनजाति महासंघ दक्षिण कोरियाको कार्यवाहक अध्यक्षमा काम गरि सकेका छन ।
नेपालमा २०६३, ६३ को जनआन्दोलन पछिको पहिलो संसदिय निर्वाचनमा राष्ट्रिय निर्वाचन आयोग काठमाडौंबाट पर्यवेक्षकका रुपमा काम गरि सकेका चाम्लिङ चौतारी सहकारी संस्था लिमिटेडको संस्थापक अध्यक्ष ,समर्पण सहकारी संस्था लिमिटेडको संस्थापक सल्लाहकार, निनोहोंछा (चाम्लिङ) राई प्रतिष्ठानका प्रबक्ता, सतासी ग्रुप प्रा.लि.का संस्थापक साथै निर्देशक पनि हुन् ।
कोरियामा उनले खालिङ राई बचाउ अभियानदेखी कोरियाको लागी राजदुत कमान सिंह लामा र फोनिज कोरियाको सम्पादक देबेन्द्र सम्बाहाम्फेलाई कार्यबाहक अध्यक्ष रहदा भब्यताका साथ सम्मान गर्नुका साथै पहिचान पुरस्कार कोषमा पनि एक लाख पचास हजार महासंघले पठाएको थियो ।
त्यस्तै बैशाख १२ र २९ गते गएको महाभुकम्पमा लगतै नेपाल गएर सिन्धुपाल्चोकको थानपालकोट गाबिसको वाड नम्बर १,२,३ मा ३०० परिवारलाई तत्काल पाँच लाखको आवश्यक खाध्यान्न समाग्री बाढ्न आफै पुगेका थिए ।
भखरै पनि कोरियाबाट पहिलो पटक डा।महाविर पुनलाई एक लाख पचास हजार राष्ट्रिय आविष्कार केन्द्रलाई सहयोग गरेका छन । यस्तै अन्य दर्जनौं थुप्रै सामाजिक काम गरेका छन् ।
अध्यक्ष चाम्लिङले आफु अध्यक्ष बनेपछि महासंघमा निम्न मुख्य काम गर्ने समेत बताएका छन् ।
१. प्रवासमा रहेर पनि आदिबासी जनजातिको पहिचान, अधिकार, भाषा, धर्म, संस्कार संस्कृति रितिरिवाज र परम्पराको लागी काम गर्ने ।
२. एक बर्षको कार्ययोजना तयारी गरि स्टेप टु स्टेप काम गर्दै जाने ।
३. महासंघको कोष बृद्धि गर्न कार्यसमिति, क्षेत्रिय महासंघ र जातीय संघ संस्थासंग मासिक लेभी साथै च्यारिटी सो सांगितिक कार्यक्रमबाट कोष अगाडि बढाउने ।
५. नेपाल आदिबासी जनजाति महासंघ दक्षिण कोरियाको महासंघ केन्द्र नेपालसंग विभिन्न कार्यमा सहकार्य गर्ने ।
६. देश भरिको विभिन्न जिल्लामा पिछडिएको हाम्रो समुदायमा सिप सम्बन्धी तालिम कार्यक्रम गर्ने ।
७. विश्व भरि रहेको महासंघसंग कुरा गरि अन्तराष्ट्रिय नेपाल आदिबासी जनजाति महासंघ कटनको आँखी पहल गरि नेपालको लागी एक भएर काम गर्ने ।
८. कोरियामा रहेका सम्पूर्ण नेपाली संघसंस्था र समुदायसंग सहकार्य गर्ने ।
