पुर्व राष्ट्रिय तेक्वान्दो खेलाडी नेपाली संघिय समाजवादी पार्टीमा प्रवेश
मुलूकभित्र अहिले प्रतिनिधिसभा तथा प्रदेशसभा सदस्य निर्वाचन भई रहेको छ । प्रतिनिधिसभा तथा प्रदेशसभा सदस्य निर्वाचनमा संघिय समाजवादी पार्टीले पनि यस ऐतिहासिक निर्वाचनमा भाग लिदै प्रदेशसभाको उम्मेदवारी खड़ा गरी रहेको छ ।
त्यसै गरीमुलुकभित्र निर्वाचन भई रहेको बेलामा पहिचानवादी पार्टी प्रवेश गर्नेहरुको स्वदेशदेखि बिदेशसम्म लर्को देखिन्छ । पुर्व राष्ट्रिय तेक्वान्दो खेलाडी तथा अन्तर्राष्ट्रिय प्रशिक्षक समेत रहनु भएका खम्ब राई नेपाली संघिय समाजवादी पार्टी दक्षिण कोरियामा प्रवेश गरेका छन । नव प्रवेश गरेका खम्बलाई अध्यक्ष महिंद्र राईले खादा लगाई पार्टीमा स्वागत गरेका छन ।
सपथ ग्रहण पस्चात खम्बले नेपालमा अहिले उत्पीडित जाती,क्षेत्र,लिङ्ग,धर्म र वर्गको मुद्दा उठाउने यदि कुनै पार्टी भए त्यो संघिय समाजवादी पार्टी नै भएको हुनाले आफु प्रवेश गरेको बताए । राई खम्बुवान राष्ट्रिय मोर्चाका पुर्व केन्द्रिय सदस्य समेत हुन् ।
