कोरियाको थेजनमा प्रवासी मजदुर अधिकार बारे जानकारी कार्यक्रम गरिने
सोल
कोरियामा प्रवासी मजदुर संगठन (एमटीयु)ले आगामी आइतबार थेजन शहरमा प्रवासी मजदुर अधिकार बारे जानकारी मुलक कार्यक्रम गर्ने भएका छन् । एमटियुले विभिन्न समय र स्थानमा गर्दै आएका शैक्षिक कार्यक्रम आगामी आइतबार डिसेम्बर ३१ तारिख थेजन यक स्थित सरगमाथा रेष्टुरेन्टमा गर्न लागेका हुन् ।
कार्यक्रममा मजदुर कानुन, प्रवासी मजदुर सम्बन्धी परिवर्तन हुन लागेको नियम, इपिएस कानुन, प्रवासी मजदुरले भोगिरहेको विभिन्न समस्या र त्यसको समाधानको उपाय, थेजिगुम, औधोगिक दुर्घटनाका क्षतिपुर्ती लिने प्रक्रिया, आवास आधार कानुन , न्यूनतम तलब जस्ता विषयमा जानकारी गराइने छ ।
साथै कोरियाले बनाउन लागेको इपिएसको मजदुरले बस्न पाउने अवधि सम्बन्धी नियम , कोरियन सरकारले आउदो ५ वर्षसम्मको लागि बनाउन लागेको प्रवासी आधार नीति, नयाँ खाना तथा आवास खर्च सम्बन्धी निर्देशिका , मजदुर संगठन र यसका गतिविधी जस्ता जानकारी दिनइने एमटियुका प्रवक्ता मधुसुदन ओझाले बताए ।
कार्यक्रम हुने स्थान र मिती
मिती २०१७ डिसेम्बर ३१, आइतबार
समय दिनको २ बजे
स्थान सागरमाथा रेष्टुरेन्ट ( थेजन यकबाट १०० मिटर पर )
सम्पर्क नम्बर
उदय राई – 010 5675 2011
मधुसुदन ओझा – 010 3046 2984
मञ्जु गुरुइ० – 010 2665 3995
