नेपाली सम्पर्क समिति दक्षिण कोरियाले सलनालमा कार्यक्रम जुधाएको प्रति गम्भीर ध्यानाकर्षण

कोरियामा रहेका नेपाली संघसंस्थाहरुको छाता संगठन नेपाली सम्पर्क समिति दक्षिण कोरियाले सलनालमा कार्यक्रम जुधाएको प्रति गम्भीर ध्यानाकर्षण भएको जनाएको छ । समितिले यसभन्दा पहिले डिसेम्बर 3 तारिखको दीन कोरियामा रहेका अधिकांस नेपाली संस्थाहरुका प्रतिनिधि ,बिशिष्ठ ब्याक्तित्व तथा पत्रकारहरुको उपश्तिथिमा सलनालको लागि सांस्कृतिक तथा चिट्ठा कार्यक्रमको लागि परेका निबेदनहरुमध्ये प्राथमिकताका अधारमा कार्यक्रमको बाडफाड गरेको थियो ।

कोरियामा रहेका अधिकांस संघ -संस्थाका प्रतिनिधिहरुको राजीखुसीमा कार्यक्रम बाडफाड गरिएको भएतापनि केहि संस्थाहरुले आफूखुसी कार्यक्रम जुधाउन लागेको सुन्न आएको भन्दै प्रेश बिक्यप्ति मार्फत घोर भर्षणा समेत गरेको छ ।

प्रेस बिक्यप्ति

“सर्वप्रथम कोरीयामा रहि भिन्न भिन्न पेशा र क्षेत्रमा कार्यरत सम्पुर्ण नेपाली दाजुभाई तथा दिदिबहिनीहरूमा तपाई हामी विच नजिकिदै गएको कोरियन नयाँ वर्ष सलनालको सुखद उपक्ष्यमा सुख, शान्ति, सु-स्वास्थ्य, दिर्घायु र उत्तरोत्तर गतीको हार्दिक मंगलय शुभकामना ।

सन् १९९३ मा स्थापित एक मात्र पुरानो सामाजिक संस्था एनसिसिको छुटै ईतिहास र गौरवका गाथा छन् । कोरियामा रहेका नेपालीहरू र नेपालमा रहेका नेपालीहरूमा आइ पर्ने महा संकट र समस्याहरूबाट माथि उठन यावत वाधा व्यवधानसंग पौठेजोरी खेल्दै सामाजिक कार्यमा अाफनो भूमिका यो मिति सम्म अनवरत रूपमा चलिरहेको छ । कोरीयाली भूमिमा एनसिसिले नेपाली समुदाय र विभिन्न संघसंस्थाहरू माझ छुट्टै पहिचान स्थापित गर्न सफल भएको छ । यसको प्रमुख कारणहरू मध्ये सामाजिक गतिविधि र क्रियाकलाप निरन्तर रूपमा भिन्न पाटो र पक्षहरूलाई संगाल्दै आउनु । यसको जगमा रहेर नेपाली समुदाय र संघसंस्थाहरू विच एक आपसमा बैमश्यता, तिक्तता ,फाटो र असमझारी नआहोस् भन्ने हेतुले कोरियन चार्ड छुसक र कोरियन नयाँ वर्ष सलनालका लागि कार्यक्रम बाँडफाँड गर्दै आएको छ । यसको पनि निश्चित मापदण्ड निदिष्ट विधिहरू तय छन् । त्यसैमा आधारित रहेर विभिन्न संघसंस्थाहरूले कार्यक्रम गर्न पाउ भनि निवेदनका साथ दस्तुर शुल्क बुझाई प्रक्रियामा संलग्न भएपछि कार्यक्रम पाउने अधिकार सुनिश्चित छ । यसैको निरन्तरता स्वरूप डिसेम्वर ३ तारिकका दिन एक कार्यक्रम आयोजना गरि कार्यक्रम बाँडफाँड विवाद रहित र निश्पक्ष रूपमा सम्पन्न गरेको कुराले कोरिया स्थित सम्पुर्ण नेपालीहरूमा छुटै खुसिको वहार छाएको थियो । तर विडम्वना भन्नु पर्छ यो सरहानिय कार्यलाई नपचाउने केहि व्यात्तिहरूको झुन्डले अफनो व्यात्तिगत अभिष्ट पुरा गर्न साँस्कृतिक कार्यक्रमका लागि प्रचार-प्रसार गरिरहेको छ । यस कार्य प्रति एनसिसिको तर्फबाट घोर आपत्ति छ ।
फेरि पनि सामाजिक कार्यको नाममा व्यात्ति मटाउने र फष्टाउने कार्यको प्रपञ्च रचिदै छ । यो नियतबाट गुजिएका जुन-कुनै व्यात्तिहरूलाई समाजबाट वहिष्कृत गरिनु नेपालीहरूको धर्म र कर्म हो ।

एनसिसि कोरिया, विभिन्न संघसंस्था र सम्मानित व्यात्तिहरूको प्रत्यक्ष सहभागिता र संलग्नता विधि संवत् सलनालको लागि साँस्कृतिक कार्यक्रम गर्न अधिकार पाएका संघसंस्था फेब्रुअरी 15 सोलुखुम्बु सेवा समाज, फेब्रुअरी 16 गुल्मी सम्पर्क समिति र फेब्रुअरी 17 मकवानपुर कोरिया मंच हुन यी वाहेक अरु कुनै ब्यक्ति वा समूहले सोही दिन र समयमा गैर जिम्मेवारी तवरबाट अभिप्रेरित भई कार्यक्रम गर्न लागेको कार्यक्रम र व्यातिहरूलाई आर्थिक, नैतिक, सामाजिक र भौतिक सहयोग नपुर्याईदिनु हुन यहाँ रहेका विभिन्न संघसंस्था, व्यापार व्यवसायि, सामाजिक व्यातित्व, वुद्धिजिवि, लगायत सम्पुर्ण नेपाली दाजुभाई तथा दिदिवहिनिहरूमा विन्रम अनुरोध गर्दछौ ।