नेपाली सामुदायिक समिति ख्वाङजुको दोश्रो साधारण सभा सम्पन्न, राइको नेतृत्वमा नयाँ कार्यसमिति चयन
नेपाली सामुदायिक समिति ख्वाङ्जुले आफ्नो दोश्रो साधारण सभा सम्पन्न गरे संगै तेस्रो कार्यकालको लागि कार्यसमितिमा पनि फेरबदल गरेको छ ।
यहि ७ तारिक आइतबारका दिन ख्वाङ्जुमा सम्पन्न भएको दोश्रो साधारण सभाले नवीन राईलाई तेस्रो कार्यकालका लागि अध्यक्ष्यमा निर्बिरोध चयन गर्दै ११ सदस्यीय कार्य समिति पनि चयन गरेको छ ।
निबर्तमान अध्यक्ष्य सन्तोष पराजुलिको सभापतित्वमा सम्पन्न भएको उक्त साधारण सभामा विभिन्न संघ सस्थाका प्रतिनिधिहरु सहित झन्डै १ सय जति नेपाली हरुको उपस्थित रहेको थियो भने कार्यक्रमलाई राजु श्री ले सन्चालन गरेका थिए।
नेपाली राष्ट्रिय गान गाएर शुरु गरिएको उक्त कार्यक्रममा पर्बत राइले शुभकामना मन्तव्य राखेका थिए । सस्थापक उपाध्यक्ष तथा समाजसेबी घ्याम्जो लामाले सस्थाको प्रगतीको बारेमा छोटकरी बताए । समितिका कोषाध्यक्ष रामचन्द्र बरालले दोस्रो कार्यकालको आर्थिक प्रतिबेदन पेश गरेका थिए भने ख्वाङ्जुका समाजसेवी तथा अबिभाबक श्री खनालले तेश्रो कार्यसमितिलाई सफल कार्यकालको शुभकामना ब्यक्त गरे ।
समिती स्थापना कालदेखी निरन्तर सहयोग गर्दै आएका निबर्तमान कोषाध्यक्ष रामचन्द्र बरालले पनि नयाँ कार्यसमितिलाई शुभकामना दिदै आर्थिक पारदर्शीता र मितब्ययितालाइ जोड दिन आग्रह गरे ।
झन्डै ७ बर्ष अघि स्थापना भएको नेपाली सामुदायिक समिति ख्वाङ्जुमा रहेका नेपालीहरु माझ लोकप्रिय सस्था हो । यसले नेपाल लगायत कोरियामा दुख सुखमा परेका नेपालीहरुलाई निस्वार्थ भावनाले सहयोग गर्दै आइरहेको छ । कोरियामा काम छोडेर बसेका नेपालीहरुका लागि नेपाली सामुदायिक समितिको आफ्नै सेल्टर समेत सन्चालन रहेको छ ।
अध्यक्ष : नबिन राई
वरिष्ठ उपाध्यक्ष : कृष्ण मल्ल
उपाध्यक्ष : कृष्ण के.सी.
महिला उपाध्यक्ष : सारा तामाङ
सचिब : जय मान वाइबा
सह-सबिच : देबिराम गिरि
कोषाध्यक्ष : गुरुदत्त पराजुली
सह-कोषाध्यक्ष : आङ्फुरी शेर्पा
सदस्यहरु : गोपाल सारु , रादुलय राई ,अर्जुन बिक्रम शाह रहेका छन् ।
