धादिङ समाजद्वारा बिद्यालयलाई जस्ता पाता वितरण
सन्तोष अधिकारी
सोल-भूकम्पको चपेटामा परेको जिल्ला धादिङको उत्तरी भेगमा रहेका बिभिन्न्न ७ बिद्यालयहरुलई धादिङ समाज कोरियाले जस्ता पाता वितरण गरेको छ।
समाजले अचने ऊमाबि त्रिपुरेश्वर, भीमोदय माबि आगिन्चोक , कमला देबी नीमाबि मुलपानी, महा लक्ष्मी ऊमाबि बसेरी, बसेरी माबि बसेरी, तामाङ खर्क ऊमाबि गुम्दी र गणेश माबि दार्खा गरि जम्मा १० फुटे जस्ता पाता ४४ बन्डल वितरण तथा हस्तान्तरण गरेको हो । उक्त हस्तान्तरण कार्यक्रममा समाजका महासचिब लगाएत ५ जना सदस्य टोलीको प्रत्यक्ष्य उपस्थिति रहेको थियो ।
सस्थाका केहि सदस्यहरु समेत भूकम्पबाट पीडित भए पनि जिल्लाको अवस्था नाजुक देखेपछि समाजले सहयोग अभियान सुरु गरेको हो | समाजले पहिलो चरणमा सबैले आ-आफ्नो ठाउँलाई सहयोग गरे भने दोश्रो चरणमा शिक्षा क्षेत्रमा सहयोग गरिएको जनाइएको छ |
