कोरियाको स्टेजदेखि सामाजिक सञ्जालसम्म भाइरल बन्दै युवा गायक नारायण पौडेल
निरज पान्डे
कोरियाको नेपाली माझ लोकदोहोरी गायकका रुपमा चर्चा कमाएका युवा गायक नारायण पौडेल यतिखेर कोरियाको स्टेज कार्यक्रमदेखि सामाजिक सञ्जालसम्म भाइरल बन्दै गएका छन् ।
मध्यम वर्गीय परिवारमा जन्मेका पौडेल सानैदेखि गीतसंगीतमा रुचि राख्थे । नेपालमा सोचेँ जस्तो नभए पछि अन्य युवाहरु झैं उनमा पनि परदेशिने सोच पलायो । फलस्वरुप २०६९ सालमा कोरियन भाषाको परिक्षा पास गरेर कोरिया आएका नारायण कोरियाको कडा कामसँगै नेपाली गीतसंगीतमा पनि लागिपरे ।
नेपाली कार्यक्रमहरुमा आफ्नै शब्द तथा संगीतमा लोक दोहोरी गीतहरु गाउन थालेका पौडेल कोरियामा हुने नेपाली कोरियन कार्यक्रममा चर्चित कलाकारको रुपमा चिनिन थाले । दर्शकहरुको मन जित्न सफल पौडेल दिनानुदिन चर्चा कमाउदै गए । यसैगरि फेसबुक मार्फत मेसेन्जर रोधि खोलि संचालक अध्यक्ष भइ रोधि ग्रुप चलाउन थाले । उनको रोधी ग्रुपमा नेपालभरको मानिसहरुलाइ समेटिएको छ जुन २४ घन्टा चलिरहेकै छ । स्वदेश तथा विदेश छरिएर बसेका नब प्रतिभा को दम्दार प्रस्तुति हुने गर्द छ । साथै अनलाइन पेज अनलाइन लाइभ दोहोरी पेजमा प्रतत्क्ष लाइभ आएर राष्ट्रिय तथा स्थानीय गायक गायिकासग गीत गाउने गछृन् ।
कोरियामा रहेर नेपाली गीत संगीतमा लागेवापत कोरियामा रहेका सामाजिक संस्था मिर्याङ नेपाली समाज, नुवाकोट समाज थेगुलगायतबाट सम्मानित समेत भइसकेका छन् । त्यसैगरी विभिन्न कार्यक्रममा सहभागी भइ उत्कृष्ट भइ सम्मानित भएसकेका पौडेल कोरियान भएको संगीत साहित्य कल्चर प्रोग्राममा १५ देशको मानिसहरुको सम्लग्नता भएको महोत्सवमा नेपालको प्रतिनिधित्व गदै नेपाली दोहोरी गाएर उत्कृष्ट भइ कोरियाको किम्हे शहरका मेयरको सम्योजकत्वमा किम्हे माइग्रेन सेन्टरका संचालक तथा समाजसेवी यज्ञराज सुवेदीको हातबाट सम्मान तथा नगद पुरस्कार पाइसकेका छन् । जसमा राष्ट्रिय गायक रामजि खाड र राष्ट्रिय गायिका देवि घर्ती मगर निणायक रहेका थिए ।
यसरी अन्य धेरै कार्यक्रममा सम्मानित भएका गायक पौडेल गाउन मात्र नभइ गितको शब्द तथा लय पनि आफै लेख्ने गर्दछन । हाल कोरियामा नै कार्यरत गायक पौडेल नेपाल फर्केपछि पनि गीत संगीतलाइ अझै वढि योगदान दिने बताउँछन् ।
३० भन्दा बढी अनलाइन रोधि ग्रुप संचालन गदै आएका गायक पौडेल कार्यक्रममा नगएको दिन कोठामै बसेर भए पनि लाइभ कार्यक्रम चलाउने गर्छन । संगीत जीवन रमाइलो रहेको बताउदै उनले सबै लोकपारखि दर्शकहरुलाई लोक गीत सुनिदिनुहुन पनि आग्रह गरेका छन् । बिदेशमा कामको व्यस्तताले गर्दा सोचेजस्तो समय नहुने हुदा केही समय पछि नेपाल फर्केर आफनै रचना, शब्द लयको ‘मेलै नि खोज्दै छु एउटी घरवालि’, ‘अनलाइन हुदाहुदै नि बोल्न गाह्रो’ बोलको गीत बजारमा ल्याउने बताएका छन् ।
