राइज फर नेपाल लाइभ कन्सर्टको जानकारी दिन जनवरी २८ तारिखमा पत्रकार सम्मेलन गर्ने
भरत सुवेदी
सौल, कोरियन नयाँ बर्ष र सलनालको उपलक्ष्यमा कोरियामा रहेर कोरिया तथा नेपालमा सामाजिक कार्यहरु गर्दै आइरहेको सामाजिक अभियन्ताहरुको समूह बुद्ध ईन्टरटेन्मेनटले फेब्रुअरी १६ मा गर्न लागिरहेको बिपुल क्षेत्री एन्ड ट्राभलिङ ब्यान्डको राइज फर नेपाल लाइभ कन्सर्टको २०१८ को विषयमा विभिन्न जानकारी दिन यहि जनवरी २८ तारिखको दिन पत्रकार सम्मेलन गर्ने भएको छ।
सौलस्थित नेपाल हाउसको हलभित्र हुन लागिरहेको पत्रकार सम्मेलनमा कोरियामा रहेका सम्पुर्ण मिडीया,पत्रकारहरु साथै समाजसेवी अनि बुद्दिजि बिध्यार्थि बर्गलाई उपस्थितिको लागि आयोजकको तर्फबाट अनुरोध गरिएको छ। कोरियामा रहेका बिपुल क्षेत्रीका फ्यानहरुलाई भरपुर मनोरञ्जन दिने उदेश्यले गर्न लागिएको राइज फर नेपाल कन्सर्टमा बिपुल क्षेत्री एन्ड ट्राभलिङ ब्यान्ड,अलि ब्रदर्स,मोडल तथा डान्सर रिना थापा,माइला गाइजका साथै स्थानीय कलाकारहरूको प्रस्तुति रहनेछ।
कन्सर्टको लागि कोरियाका सबै शहरहरुमा टिकट बिक्रि पनि खुल्ला भएसकेको छ जसमा जि एम ई द्वारा प्रायोजन भएको दस लाख वनको उपहार योजना समेत सामेल छ र कन्सर्ट हेर्न आउने एक जना भाग्यमानिले दश लाख वन प्राप्त गर्नेछ्न। राइज फर नेपाल सहयोगार्थ गर्न लागिएको कन्सर्ट आयोजनाको तयारी,ब्यबस्थापन तथा कार्यक्रमको उदेश्य,आयोजक र राइज फर नेपालको बारेमा स्पष्ट जानकारी दिने उदेश्यले पत्रकार सम्मेलन गर्न लागिएको जानकारी आयोजक तर्फका कन्सर्ट प्रचार प्रसार प्रमुख भरत सुबेदीले जानकारि गराउनु भएको छ।
