फ़रवरी १६ मा हुने ग्याल्बो ल्होसार साँस्कृतिक कार्यक्रमको तयारी पूरा‘
शेर्पा संघ दक्षिण कोरियाले कोरियन नयाँ वर्षा सलनालमा फेब्रवरी १६ तारिख मनाइन लागेको नेपालको राष्ट्रीय मौलिक पर्व स.फो.खिलो २१४५ औ ग्याल्बो ल्होसारको सांस्कृतीक कार्यक्रमको सम्पूर्ण तयारी पुरा भएको अध्यक्ष सेर साङबो शेर्पाले जनाएको छ ।
यस पटकको सांस्कृतिक कार्यक्रम भब्य र सभ्यरुपमा सफल पार्न स्थानीय कलाकारहरुले राष्ट्रीय मौलिक पहिचान झल्किने बिभिन्न नित्यहरु र गित संगीतको तयारी गरीरहेको आयोजक कमिटिको सदस्य युगेल तेन्डूब शेर्पाले बताए ।
भाषा लिपि, मौलिक चाडबाड हाम्रो पहिचान, ऐतिहासिक सांस्कृति, परम्परा संरक्षण र बिकास गर्ने हाम्रो अभियान भन्ने मूल नाराका साथ कार्यक्रम गर्न लागिएको संघले जनाएको छ । सो कार्यक्रममा कोरियामा क्रियाशील संघसंस्था र नेपाली दाजू भाई तथा दीदी बहिनीहरु माझ एकता समुन्नाय र सदभाव बढाउदै शुभकामना आदान प्रदान गर्न कोरिया बासी सबैलाई आयोजकले उपस्थितीको आग्रह गरेको छ ।
कार्यक्रम गीत संगीतको ध्वनीलाई स्तरीय बनाउ बाहिरबाट साउण्ड सिस्टम हायर गरिएको कोषाध्यक्ष गुरु निमाले थपे। कार्यक्रम ऐतिहासिक र व्यवस्थित गर्न उपस्थित पाहुनाहरुलाई स्वगत सत्कारको लागि स्वयमसेवीहरुको परिचालन गरिने आयोजकले जनाएको छ ।
कार्यक्रम सौलको वाङसिपनी याक लाइन न २ ख्याबो सेम्योंग बिल्डिङमा साँझ ७ बजेदेखि बिहान ५ बजेसम्मा हुने आयोजक कमिटिले जनाएको छ ।
