झोर्ले सांगितीक सौगात भाग १ भब्य रूपमा सम्पन्न्, अायाेजक द्वारा धन्यबाद ज्ञापन।
नेपाल मगर संघ किम्हे बुसान शाखाले सलनालको पहिलो दिन अर्थात फेब्रुवरी १५ तारिक किम्हेमा आयोजना गरेकाे झोर्ले सांगितीक सौगात भाग १ भब्य रूपमा सम्पन्न् भएकाे छ।
Prisoner’S Assistance Nepal (बन्दी सहायता नेपाल) को सहयोगार्थ आयोजना गरिएकाे कार्यक्रममा नेपालका चर्चित कलाकारहरू सुगम पोख्रेल,सम्झना लामिछाने,केञ्जल मेहर श्रेष्ठ,दिनेश काफ्ले,बबिना किराती र आरूषी मगर लगाएत स्थानिय कलाकारहरूले अाफ्ना उत्कृष्ट प्रस्तुति दिएका थिए।
पहिलाे चरण उद्घाटन सत्रकाे कार्यक्रममा नेपाल मगर संघ किमे बुसान शाखाका अध्यक्ष भिसन पुर्जा मगरकाे सभापतित्वमा, नेपाल मगर संघ काेरियाका केन्द्रिय उपाध्यक्ष नगेन्द्र मगरकाे प्रमुख अातिथ्यमा तथा बिशेष अथितिका रूपमा बिभिन्न संघ संस्थाका प्रमुख तथा प्रतिनिधिहरू उपस्थित भएका थिए। नेपाल मगर संघ केन्द्र नेपालका महासचिब ज्ञानेन्द्र पुन मगर तथा बिदेश बिभाग सचिब रक्षा बहादुर रैका मगर पनि बिशेष अथितिका रूपमा रहेका थिए।
कार्यक्रममा काेरियाकाे बिभिन्न शहरहरू गजेदो,थेगु,मिर्याङ,छिर्वन र मासान साैल बाट समेत दर्शककाे अाेइराे लागेकाे अायाेजकले बताएकाेछ। करिब ८०० प्लस दर्शककाे उपस्थिति रहेकाे शाखाका अध्यक्ष पुर्जाले बताए।
कार्यक्रममा प्रत्यक्ष वा अप्रत्यक्ष सहयाेग गर्ने राष्ट्रिय कलाकार स्थानिय कलाकार तथा स्पाेन्सर गर्ने संघ संस्था,मिडिया पार्टनर,सहयाेग गर्ने बिभिन्न संघ संस्थाकाका प्रमुख तथा प्रतिनिधिहरू, अायाेजकका सम्पुर्ण पदाधिकारी सदस्यहरू सबैलाइ शाखाका अध्यक्ष भिसन पुर्जाले बिशेष धन्यबाद प्रदान गरेका छन्।
