कोरियामा बढ्दो संगीतिक मोह , कलाकारको लाखौ कमाई
सोल
कोरियाको एक मुख्य चाड सनलान भरखरै सकिएको छ । यो राष्ट्रिय पर्वको फेब्रवरी १५ ,१६ र १७ तारिख तीन दिने सार्वजनिक विदामा हजारौ नेपालीहरु सांगीतिक रौनकमा झुमे । एकै दिन सम्पन्न दुई सांगीतिक कार्यक्रममा दर्शकको अपार भिडले यस्को पुष्टी गरयो । त्यसो त आधा दर्जन रात्री कालिन डान्स पार्टीले पनि युवा युवतीलाई त्यतिकै तानेको थियो ।
फेब्रवरी १६ तारिख सम्पन्न गुल्मी सम्पर्क समितिको “रेसुंगा सागीतिक सौगात ” र बुद्ध इन्टरनेन्डमेन्टको “राइज फर नेपाल” नामक दुइ वटै संगीतिक कार्यक्रम हाउस फुल रहयो । रेसुंगा संगीतिक कार्यक्रममा हाउस फुल भएपछि टिकट बिक्री नै बन्द गर्नु परेको र दर्शकको चापका कारण हलका केही कुर्सीहरु भाचिएको आयोजकले जनाए ।
गुल्मेलीहरुले दोहोरी संगीतिक क्षेत्रका चर्चित अग्रज गायक बम बहादुर कार्कीदेखि हाल हट डान्सरको रुपमा युवाहरुको ढुकढुकी बनेका सोनिका रोकायलाई स्टेजमा उतारेका थिए । त्यसैगरी चर्चित आधुनिक पप गायक सुगम पेखरेल र नेपाल आइडलकी लोकप्रिय गायीका केन्जल मेहरको उपस्थिती अर्को आर्षण बन्यो । कोरियामा हरेक वर्ष उत्तिकै डिमान्ड रहेको सदाबाहर हाँस्य कलाकार विल्सन विक्रम राईको र लोकदोहोरी गायीका रुपा घर्तीमगर र गायक खुमन अधिकारीको प्रस्तुतीले दर्शकलाई थप मनोरञ्जन दिएका थिए ।
अन्राष्ट्रिय कन्सर्टमा ख्याती कमाएका लोक रक गायक तथा संगीतकार विपुल क्षेत्री र ट्राभलिङ ब्यान्डको कार्यक्रममा रक स्वाद लिन पुगेका दर्शकको भिडलाई सुरक्षाकर्मीले नियन्त्रण गर्न सकेनन् । कोरियामा विपुलको पहिलो कन्सर्टको मध्यान्न तिर दर्शकको चाप अत्यधिक भएपछि महिला दर्शकहरु बाध्य भएर बाहिरीन परेको उद्घोषिका रेश्मा राईले बताइन । दर्शकलाई दुर्घना विमाको व्यवस्था गरिएको अन्तराष्ट्रिय स्तरको एस २४ लाईभ हलमा कोरियन सरकारबाट अनुमति लिएर यो कार्यक्रम गरिएको थियो ।
विदाको पहिलो दिन फेब्रवरी १५ मा किम्हेमा मगर संग बुसान शाखाले आयोजना गरेको “झोर्ले संगीतिक कार्यक्रम ” ले पनि दर्शक परिपुर्ण पाएका थिए । तर सोही दिन सउलमा सोलुखुम्बुको कार्यक्रम “एभरेष्ट म्युजिकल ” ले भने दर्शक ठिकै पाएका थिए । गयक शिब परियार, राजसिग्देल र मेलिना राई जस्ता चर्चित गायक गायिका रहेता पनि अन्य दुई कार्यक्रमको तुलनामा दर्शकको उपस्थिती कम थियो । त्यस्तै विदाको अन्तिम दिन आयोजना गरिएको प्रमुख गायक प्रसान्त तामाङ रहेका मकवानपुर सांगीतिक धमाकाले पनि भनेजति दर्शक पाउन सकेन ।
कलाकारको लाखौ कमाई
चर्चित गायक सुगम पोखरेलले दुई वटा कार्यक्रमबाट करिब रु. चार लाख लिएर फर्किए । कोरियाको अर्को शहर किम्हे र सउलमा पोखरेलले संगीतिक प्रस्तुती दिएका थिए । त्यस्तै कोरियामा पहिलो पटक प्रवेश गरेका नव गायिका बबिना किरातीको मुख्य कार्यक्रम मगर संघ किम्हे शाखाले आयोजना गरेको ‘झोर्ले संगीतिक सौगात’बाहेक २ वटा एकल प्रस्तुतीबाट करिब रु. चार लाख कमाइ गरेको आयोजकहरु बताउछन् ।
बबिनाले नेपाली साहित्य समाज दक्षिण कोरियाको प्रस्तुती रहेको एल्बममर्निङ द विगिनिङको प्रमोशनको लागि एकल प्रस्तुती दिएका थिए । टिकटको व्यवस्था गरिएको सो कार्यक्रममा हल भरिएर दर्शकहरुलाई फर्काउनु परेको आयोजक नेससका अध्यक्ष यलजि विबसले बताए । त्यस्तै खोटाङ सेवा समाजले पनि बबिनालाई एकल प्रस्तुतीमा उतारेका थिए ।
करोडौ खर्च
कोरियामा यस्ता संगीतिक कार्यक्रम गर्न नेपालबाट करिब आधादर्जन कलाकार बोलाउदा , कलाकारको पारिश्रम, विमान भाडा, होटल, खानपिन र यातायत गरी झन्डै तीन करोड वन (रु. ३० लाख) खर्च हुने आयोजकहरु बताउछन् । चर्चित सांगीतिक र हाँस्य कलाकारलाई पारिश्रमिक नै रु. १ देखि २ लाखसम्म दिनुपर्ने हुन्छ । अझ चर्चित व्यण्ड बोलाउदा त्यो भन्दा धेरै खर्च हुने भएकाले टिकट मात्रै विक्री गरेर नाफा कमाउन नसकिने आयोजकहरुको भनाइ छ ।
